Tags-Shaam

kyā soch ke raqsāñ haiñ sar-e-shām khule sar
kis kāhish-e-be-nām se pāgal huiiñ shāḳheñ

shaam Dhale ye soch ke baiThe ham apnī tasvīr ke paas
saarī ġhazleñ baiThī hoñgī apne apne miir ke paas

maiñ ne ik shaam pā liyā thā use
us se ik raat kho ga.ī thī maiñ

shaam aa.ī to ba-har-samt numūdār huā
tujh se achchhā to tirā sāya-e-dīvār huā

kis ke hāthoñ meñ thā nahīñ patthar
shaam vāloñ kī baat karte ho

thak ke sūraj shaam kī bāñhoñ meñ jā kar so gayā
raat bhar yādoñ kī bastī jāgtī achchhī lagī

din bhar ke jhameloñ se bachā laayā thā ḳhud ko
shaam aate hī 'ashfāq' maiñ TuuTā huā kyuuñ huuñ

uf tirī bāñhoñ kā hisār-e-latīf
yuuñ lagā shaam meñ sahar Thahrī

ek be-kaif shaam ke bas meñ
reñgte saa.e ūñghtī rāheñ

nahīñ dil ko fikr ye be-sabab gayā din kahāñ huī raat kab
mujhe roz-e-vasl hai ajab abhī sub.h thī abhī shaam hai

na vo mehr-o-māh kī tābisheñ na vo aḳhtaroñ kī numā.isheñ
na vo āsmāñ kī haiñ gardisheñ na vo sub.h hai na vo shaam hai

naam ik but kā lab pe hai vaa.iz
hai yahī vird sub.h o shaam mirā

shaam kī zau
har taraf sāhil pe halkā sā añdherā abr kā

Duub jaatā hai sar-e-shām vo sūraj to magar
ḳhvāhisheñ raat ke siine meñ dabā detā hai

ye shaam shām-e-avadh nahīñ hai jise tumhārī siyāh zulfeñ chhupā sakeñgī
ye sub.h sub.h-e-tarab nahīñ hai

shaam hotī hai to lagtā hai koī ruuTh gayā
aur shab us ko manāne meñ guzar jaatī hai

dil ko garmāti hai ashkoñ ke sitāroñ kī kiran
jab diyā shaam kā jaltā hai ġhazal hotī hai

jo apne taur se ham ne kabhī guzāre the
vo sub.h o shaam to jaise fasāne ho ga.e haiñ

niiñd bīmār-e-mohabbat ko kahīñ aatī hai
sub.h tā-shām agar bād-e-subuk-gām chale

azm-e-rāsiḳh ne bhī ghabrā ke qadam toḌ diye
kūcha-e-yār meñ ham yuuñ sahar-o-shām chale