Tags-Shaam

zamāne se alag ho kar mujhe duniyā-e-ulfat meñ
tirā ruḳh roz-e-raushan zulf terī shaam hai saaqī

naaz kartā thā tavālat pe ki vaqt-e-ruḳhsat
bhed saa.e pe khulā shaam kī ayyārī kā

ye kis kī surḳhī-e-ruḳh shaam ke chehre pe utrī hai
ki jis ke rañg meñ mil kar hue zaḳhm-e-jigar ġhā.eb

hasīñ mausam ne nazreñ pher liiñ apne taġhāful par
hue raftār-e-duniyā ke sabab shām-o-sahar ġhā.eb

aap ke saath bas ik shaam bitāne ke liye
daav pe dil kī lagā Daalī hai jāgīr talak

Dhalegī shaam jahāñ kuchh nazar na aa.egā
phir is ke ba.ad bahut yaad ghar kī aa.egī

din ke tapte hue mausam meñ bhaTaknā har-sū
shaam aa.e to parindoñ kī tarah ghar jaanā

gulāb-e-surḳh se ārāsta dālān karnā hai
phir ik shām-e-visāl-āñgī tujhe mehmān karnā hai

mirī navā meñ hai lutf-o-surūr-e-sub.h-e-nashāt
har ek sher hai rindoñ kī shām-e-tar kī tarah

urūs-e-shām rotī phir rahī hai
ye aañsū chashm-e-tar merā nahīñ hai

un havā-ḳhvāhoñ se kahnā ki zarā shaam Dhale
aa.eñ aur bazm-e-charāġhāñ kī sadārat kar jaa.eñ

sūraj kī sunahrī kirnoñ se tābinda ruḳh-e-ālam na sahī
āsār-e-sahar to paidā haiñ kam zulmat-e-shām-e-ġham na sahī

ḳhayāl aatā hai aksar dekh kar ruḳhsār-o-gesū ko
na aisī sub.h hai shāyad na aisī shaam hai shāyad

din-rāt vo mahbūb mayassar the ki jin kī
zulfeñ alam-e-shām thiiñ ruḳh rashk-e-sahar the

sāqī-e-ḳhum-ḳhāna thā jo sub.h-o-shām
roz-e-ādīna thā masjid meñ imaam

fareb-e-gesū-e-pur-ḳham ho yā ho shām-e-hayāt
vo shams kyā ki kisī tīrgī se ghabrā.e

khulī saḌak vīrān paḌī thī
bahut ajab thī shaam

bastī meñ hai vo sannāTā jañgal maat lage
shaam Dhale bhī ghar pahuñchūñ to aadhī raat lage

is qadar baḌhne lage haiñ ghar se ghar ke fāsle
dostoñ se shaam ke paidal safar chhīne ga.e

bol ai shām-e-safar rañg-e-rihā.ī kyā hai
dil ko ruknā hai ki tāroñ ko Thahar jaanā hai