Tags-Shaam

ghar se jaatā huuñ roz shaam se maiñ
raat bhar ke programme se maiñ

charāġh-e-shām kī āñkheñ bujhī haiñ
sitāra ḳhvāb kā TuuTā huā hai

sitāra shaam se niklā huā hai
diyā bhī taaq meñ rakkhā huā hai

zulmat-e-shām-e-ḳhizāñ yaad karegī barsoñ
ham jab aa.e haiñ gulistāñ-ba-kanār aa.e haiñ

na ham syāhī na ham ujālā charāġh haiñ ashk-e-ārzū ke
ki ham sar-dasht-e-be-karāñ haiñ sulagte rahte haiñ shaam se ham

shaam se fikr-e-sub.h kyā shab-e-hijr
mar raheñge agar sahar na huī

shaam ke sāhil pe sūraj kā safīna aa lagā
Dūbtī āñkhoñ ko ye manzar bahut achchhā lagā

jab bhī din Duubā huī fikr-e-suḳhan lāhaq mujhe
shaam hote hī mire sāġhar meñ dar aa.ī ġhazal

palaT ke shaam ko vāpas pahuñch bhī pā.ūñgā
is ek soch ne ghar se qadam nikālā hai

kis ne chehre se baal sarkā.e
shaam ko sub.h āshkārā hai

shaam ko chahchahātī
lauTtī chiḌiyā ko

chale ho dekhne 'mushtāq' jin ko pichhlī raat
vo log shaam se darvāza band rakhte haiñ

allāh rakkhe terī sahar jaisī kam-sinī
dil kāñptā hai jab bhī tū aatī hai shaam ko

kahīñ laalī bharī thālī na gir jaa.e samundar meñ
chalā hai shaam kā sūraj kahāñ āhista āhista

hai dekhne hī kā vaqfa jise samajhte haiñ
'razā' vo dhuup chaḌhī din Dhalā vo shaam huī

ḳhayāl-e-husn meñ yuuñ zindagī tamām huī
hasīn sub.h huī aur hasīn shaam huī

khiḌkiyāñ apne jism kī kholo
kyā ajab dhuup shaam tak aa jaa.e

girā na aañkh se aañsū fareb-e-qismat par
sukūn jis se ho vo iztirāb paidā kar

amn-qariyoñ kī shafaq-fām sunahrī chiḌiyāñ
mere khetoñ meñ uḌiiñ shaam sunahrī chiḌiyāñ

sub.h-e-ummīd kab aa.egī na jaane 'barqī'
muztarib dil ye sar-e-shām hai kyā arz karūñ