Tags-Shaam

maiñ zahr rahī har shaam rahī
bārish kī havā badnām rahī

mire ġham-kade meñ phūTī jo shuā dāġh-e-dil se
vahī ik charāġh-e-tāq-e-sar-e-shām ban ke aa.ī

mire mudda.ā-e-ulfat kā payām ban ke aa.ī
tirī zulf kī siyāhī mirī shaam ban ke aa.ī

hai bahut muhāl is kā jo 'ġhubār' mā-badal ho
mirī tīrgī-e-qismat mirī shaam ban ke aa.ī

ruḳh-o-zulf kī tamannā mire dil ko muzhda-bādā
mirī sub.h ban ke aa.ī mirī shaam ban ke aa.ī

kuchh shām-e-judā.ī meñ sujhā.ī nahīñ detā
parda ḳhirad o hosh pe ai yaar paḌā hai

yaad hai abhī tak vo ek shaam bachpan kī
jaane kyā huā thā sab log ghar ke ro.e the

ufuq ke us paar kar rahā hai koī mirā intizār shāyad
usī kī jānib chalī hai shaam o sahar kī ye rahguzār shāyad

jo surma.ī meñ khilā jā rahā hai shaam Dhale
kahīñ to apnā sunahrā samo rahā hogā

dil kī shaam kī sūrat zaḳhm zaḳhm sannāTā
jaañ ki shor-e-vahshat meñ sub.h kī tamannā.ī

tū na niklā ghar se bāhar sub.h se le shaam tak
dekh dekh āḳhir tire dīvār-o-dar ko uTh ga.e

shām-e-alam Dhalī to chalī dard kī havā
rātoñ kī pichhlā pahr hai aur ham haiñ dosto

jaane kis ummīd pe chhoḌ aa.e the ghar-bār log
nafratoñ kī shaam yaad aa.e purāne yaar log

shaam Dhalī
havā chalī

milte haiñ muskurā ke agarche tamām log
mar mar ke jī rahe haiñ magar sub.h-o-shām log

shaam furqat kī lahlhā uThī
vo havā hai ki zaḳhm bharte haiñ

us shaam ko jab ruuTh ke meñ ghar se chalā thā
ik saaya bhī bichhḌe hue manzar se chalā thā

din bhar ke jhameloñ se bachā laayā thā ḳhud ko
shaam aate hī 'ashfāq' maiñ TuuTā huā kyuuñ huuñ

shām-e-ġham bīmār ke dil par vo ban aa.ī ki bas
har taraf tārīkiyāñ aur aisī tanhā.ī ki bas

mujhe kyuuñ azīz-tar hai ye dhuāñ dhuāñ sā mausam
ye havā-e-shām-e-hijrāñ mujhe raas hai to kyuuñ hai