Tags-Shaam

kahīñ par baiTh kar sunsān rasta shaam tak dekho
mohabbat apne Darāme meñ yahī ik rol detī hai

kyā kahūñ 'jauhar' jo mere jān-o-dil par ban ga.ī
maut kā paiġhām thā ik shām-e-tanhā.ī na thī

kyā kyā gumāñ mahakne lage the pas-e-ḳhayāl
jab muskurā ke jaam uThāyā thā shaam ne

kyā kyā uḌī thī gardish-e-daurāñ ke dil meñ ḳhaak
jab ratjage se haath milāyā thā shaam ne

kyā kyā the ḳhvāb raat jo ta.abīr ho ga.e
kyā kyā diloñ meñ hashr uThāyā thā shaam ne

kyā kyā ḳhushī thī va.ada-e-māh-e-tamām kī
ghar ko bhisht-zār banāyā thā shaam ne

jab āftāb ghar pe bulāyā thā shaam ne
kyā kyā diye the jin ko jalāyā thā shaam ne

kyā kyā sahar ne phuul khilā.e pas--e-shafaq
kyā kyā dayār-e-shab ko sajāyā thā shaam ne

shām-o-sahar chamakne jo dāġh-e-jigar lagā
ḳhurshīd-e-roz-o-sham-e-shab-tār ho gayā

aa rahī hai ye sadā gor ke sannāTe se
maiñ vo aalam huuñ jahāñ shām-o-sahar kuchh bhī nahīñ

mire baġhair añdherā tumheñ satā.egā
sahar ko shaam banā degī āshiqī hī to hai

ab chalo raat hai 'bābar'
shaam kī chhab ḳhudā-hāfiz

shaam tanhā.ī kī hai aa.egī manzil kaise
jo mujhe raah dikhā de vahī taarā na rahā

shaam ḳhāmosh thī so us ne bhī guftugū se gurez karte hue
jalte jazboñ ko rakkhā āñkhoñ meñ jism se dil kī tarjumānī kī

pathrīlī sī shaam meñ tum ne aise yaad kiyā jānam
saarī raat tumhārī ḳhātir maiñ ne zahr piyā jānam

māmūlī hai ki sub.h jalātā huuñ ḳhud ko maiñ
hotā ye hai ki roz sar-e-shām mar gayā

shām-e-ġham jis meñ rahe barsoñ vahāñ kyā iid ho
vo to aa jaa.e magar ye dil hī is qābil na thā

khiḌkiyāñ khol luuñ har shaam yūñhī sochoñ kī
phir usī raah se yādoñ ko guzartā dekhūñ

tere naqshe ne bhī furqat meñ na bahlāyā mujhe
shām-e-ġham jab aa.ī gurdoñ par har kāmil na thā

sub.h-o-shām-e-ġham ne dāman bhar ke bhejā dahr se
varna is umr-e-do-roza kā koī hāsil na thā