Tags-Shaam

hālāt ne hañsī mire hoñToñ se chhīn lī
rotī huuñ ab maiñ shām-o-sahar tum ko is se kyā

raho Tuk 'azfarī' ab chashm khole
raheñgī aañkh phir shām-o-sahar band

din bhī hai raat bhī hai sub.h bhī hai shaam bhī hai
itne vaqtoñ meñ koī vaqt-e-mulāqāt bhī hai

akelī shaam khaḌī thī udaas jañgal meñ
tuyūr bā-ḳhabar o āshnā-shajar na lage

shām-e-ġham kyā kyā tasavvur kī haiñ chīra-dastiyāñ
haañ tumheñ bhī tum se bin pūchhe uThā laatā huuñ maiñ

mujhe shaam aa.ī hai shahr meñ
jahāñ āsmāñ kī vus.atoñ se

ḳhair-maqdam ke liye ā.ūñgā maiñ bhī ik din
tum abhī silsila-e-shām-o-sahar meñ rahnā

ġhuncha-e-vasl sar-e-shām khilā de aa kar
hijr kī rut meñ koī muzhda sunā de aa kar

shaam Dhale ye Tiis to bhītar uThtī hai
merā ḳhud se har ik va.ada jhūTā thā

'munavār' mujh pe shām-e-yās ġhālib aa nahīñ saktī
ki har ummīd se hotā hai ik rañg-e-sahar paidā

is shahr meñ shaam hote hī galiyoñ ke nukkaḌ par
saḌkoñ ke kināre zinda-dil log

falak nujūm se raushan zamīñ charāġhoñ se
hujūm-e-nūr meñ ik shām-e-tār hai tanhā

1
shaam phir tere tasavvur se

saudā-e-sajda shām-o-sahar mere sar meñ hai
ai but kashish kuchh aisī tire sañg-e-dar meñ hai

kyā kahā jism nochnā hai tujhe
shaam ke hāshiye se bāhar mil

khulā hai umr kī shām-e-hazīñ meñ raaz ye 'pāshī'
ki har dam maut ko bhī saath rakhtī hai hayāt apne

shaam ke vaqt fazāoñ meñ ye uḌte panchhī
gasht karte haiñ ḳhalāoñ meñ sadāoñ kī tarah

sisak rahī haiñ thakī havā.eñ lipaT ke ūñche sanobaroñ se
lahū kī mahkār aa rahī hai kaTe hue shaam ke paroñ se

daf.atan aa gayā phir Dūbte sūraj kā ḳhayāl
shaam ke vaqt jo dariyā kā kinārā dekhā

dil jalā ke jaane kī kī yaad meñ
shaam kī dahlīz par rakhtā hai vo