Tags-Shaam

shām-e-ġham kī sahar na ho jaa.e
har ḳhushī muḳhtasar na ho jaa.e

shām-e-alam se pahle bhī sub.h-e-tarab ke ba.ad bhī
shauq-e-talab na miT sakā tark-e-talab ke ba.ad bhī

laakh pur-vahshat o pur-haul sahī shām-e-firāq
ham ne ghabrā ke diye din se jalā.e to nahīñ

bahlā na dil na tīrgī-e-shām-e-ġham ga.ī
ye jāntā to aag lagātā na ghar ko maiñ

ruḳh pe jo tere shafaq khilī hai ḳhuun hai mere ḳhvāboñ kā
kahe tū ai shām-e-tanhā.ī tujh se lipaT kar ro luuñ maiñ

badal ga.e sahar-o-shām-e-zindagī 'bismil'
vo zindagī ke manāzir na vo fazā.eñ rahīñ

dil thā udaas ālam-e-ġhurbat kī shaam thī
kyā vaqt thā ki tum se mulāqāt ho ga.ī

roz jūñ-tūñ ki huā shaam to phir behtar azaab
nazar aa.ī shab-e-hijrāñ kī siyāhī ham ko

ka.ī dinoñ se mere sar meñ
sub.h shaam aur raat raat bhar

hai haman kā shaam koī le jā
ki mujhe aa ke Tuk dars de jā

vo shām-e-va.ada mahv haiñ ārā.ishoñ meñ aur
pahuñchā hai le ke mujh ko mirā sū-e-zan kahāñ

ye chhāñv chhāñv na rovo 'zahīr' dil ko sambhālo
Dhalī hai shaam magar yuuñ koī divāna huā hai

maiñ hī tanhā na ḳharāboñ se guzartā thā 'na.īm'
shaam tā sub.h sitāroñ kī ziyā chaltī thī

rañg birañge sapnoñ jaisī āñkheñ terī
shaam kī pahlī kirnoñ jaisī āñkheñ terī

ek zindān-e-be-dilī aur shaam
ye sabā sī kahāñ se aatī hai

sāñvlī shaam kī tarah hai vo
vo na goroñ meñ hai na kāloñ meñ

yuuñ ḳhush-gumān rakkhā gayā umar bhar mujhe
har shaam se malī hai naved-e-sahar mujhe

ye zard shaam jo sūraj gañvā.e baiThī hai
'sahar' sitāra-e-aflāk ho rahī huuñ maiñ

ye shaam vaqt se pahle chhupā na de sūraj
sunahrī dhuup meñ chunarī bhigo rahī huuñ maiñ

isī ḳhayāl meñ har shām-e-intizār kaTī
vo aa rahe haiñ vo aa.e vo aa.e jaate haiñ