Tags-Shaam

shaam hotī hai to nikaltā huuñ
us kī palkoñ se chīḳhtā huā maiñ

raushan na ho sakī kabhī ye shām-e-ġham mirī
maiñ ne jalā.e diip ka.ī e'tibār meñ

jise nādān kī bolī meñ sadī kahte haiñ
vo ghaḌī shaam savere ke sivā kuchh bhī nahīñ

shaam aa kar jharokoñ meñ baiThī rahe
sā.atoñ meñ samundar pirotī rahe

rahe fāsle mirī dastaras meñ tamām din
magar ab to shaam kā hai samāñ mire mehrbāñ

ye raat bhayānak hijr kī hai kāTeñge baḌe ālām se ham
Talne kī nahīñ ye kaalī balā samjhe hue the shaam se ham

niiñd aa.egī bhalā kaise use shaam ke ba.ad
roTiyāñ bhī na mayassar hoñ jise kaam ke ba.ad

'mus.hafī' maiñ huuñ vo sar-gashta ki ḳhurshīd kī tarah
shaam gar aur kahīñ kī to sahar aur kahīñ

maiñ bahut duur huuñ shaam nazdīk hai
shaam ko do sadā shukriya ma.azarat

raat ke ba.ad vo sub.h kahāñ hai din ke ba.ad vo shaam kahāñ
jo āshufta-sarī hai muqaddar us meñ qaid-e-maqām kahāñ

qurbāñ kamān-e-abrū-e-maulā pe jaan o dil
gar māh-e-nau kaheñ to hai tashbīh mubtazil

kaise bhar aa.iiñ sar-e-shām kisī kī āñkheñ
kaise tharrā.ī charāġhoñ kī ziyā yaad nahīñ

jismoñ se māvarā bhī haqā.eq bahut se haiñ
paa.ī hai dil ne raushnī shām-e-visāl meñ

fikr meñ gesū-o-ruḳhsār ke dil kī ḳhātir
shaam hotī hai pareshāñ jo sahar jama.a kareñ

mauqūf kab hai jinn-o-ins-o-malā.ika par
taa.ir bhī naam lete haiñ sub.h-o-shām terā

qāsid kiyā hai ahd jo īfā-e-ahd kā
sub.h-umīd-e-vasl huī apnī shām-e-shauq

ye nahr-e-āb bhī us kī hai mulk-e-shām us kā
jo hashr mujh pe bapā hai vo ehtimām us kā

kal shaam parindoñ ko uḌte hue yuuñ dekhā
be-āb samundar meñ jaise ho ravāñ paanī

hazār rañgoñ meñ apnī lahroñ pe shaam ubhartī hai Dūbtī hai
chahār atrāf ā.īna haiñ vo zulf-e-abtar hai aur maiñ huuñ

shaam ke dhuñdlakoñ meñ Dūbtā hai yuuñ sūraj
jaise aarzū koī mere dil meñ martī hai