Tags-Shaam

jāñ-ba-lab huuñ firāq-dil-bar meñ
sub.h jiitā rahā to shaam nahīñ

sūraj ko bujhā dete ho tum shaam se pahle
aur dil se ye kahte ho ki din-rāt jalā kar

tulū hogā abhī koī āftāb zarūr
dhuāñ uThā hai sar-e-shām phir charāġhoñ se

salonī shaam ke āñgan meñ jab do vaqt milte haiñ
bhaTakte ham se un sāyoñ meñ kuchh aadhe adhūre haiñ

ummīd-e-sub.h-e-nau har shām-e-ġham meñ
thakan saarī miTā detī hai ab bhī

dil ne kahā ki shām-e-shab-e-vasl se na bhaag
ab pak chukī hai fasl kaTā.ī kā vaqt hai

hotī hai shaam aañkh se aañsū ravāñ hue
ye vaqt qaidiyoñ kī rihā.ī kā vaqt hai

parind shaam Dhale ghoñsloñ kī samt chale
charāġh jalte hī us ko bhī lauT aanā thā

pahuñch pahuñch kar falak par aaheñ kareñ na anjum meñ kyuuñ izāfa
ki shaam se sub.h tak shab-e-ġham sharar-fishānī hai aur ham haiñ

chhoTī chhoTī īñToñ vaale ThanDe barf makān
kahāñ ga.ī vo shaam Dhale kī

is kī yādoñ se kahāñ hai dushmanī
sham.a jaltī shām-e-furqat kam se kam

shām-e-ġham se shab-e-andoh se chashm-e-tar se
baaz aayā maiñ tirī yaad ke us lashkar se

tire ġham kī umr-e-darāz meñ ka.ī inqalāb hue magar
vahī tūl-e-shām-e-'firāq' hai vahī intizār-e-sahar bhī hai

usī shām-e-marg kī tīrgī meñ haiñ jalva-hā-e-hayāt bhī
unhīñ zulmatoñ ke hijāb meñ ye chamak ye raqs-e-sharar bhī hai

ye nasīb-e-ishq kī gardisheñ ki zamāñ makāñ se guzar ke bhī
vahī āsmāñ vahī shām-e-ġham vahī shām-e-ġham kī sahar bhī hai

terī chāhat gulāboñ kī ḳhushbū bane mere dīvār-o-dar meñ kuchh aisī base
terī mahkār kamre se aatī rahe din nikaltā rahe shaam Dhaltī rahe

bād-e-sarsar bhī qurbat kī chaltī rahe din nikaltā rahe shaam Dhaltī rahe
zulf hāthoñ se tere sañvartī rahe din nikaltā rahe shaam Dhaltī rahe

pyaar ke saat rañgoñ kī qaus-e-quzah le ke aa.e 'sabīla' vo milne kabhī
zindagī phir vahīñ ruk ke hañstī rahe din nikaltā rahe shaam Dhaltī rahe

merī ġhazloñ meñ terā hī mazmūn ho merī nazmoñ meñ to mujh se bāteñ kare
yuuñ bayāz-e-tamannā bhī bhartī rahe din nikaltā rahe shaam Dhaltī rahe

ruuh se ruuh kā rabt aisā bane jaise hāthoñ meñ tere mirā haath ho
phir mulāqāt ḳhvāboñ meñ hotī rahe din nikaltā rahe shaam Dhaltī rahe