Tags-Shaam

ab sub.h se tā-shām hai sadiyoñ kī masāfat
har lamha-e-be-qaid hai zanjīr dinoñ meñ

ye zikr aa.ine se sub.h-o-shām kis kā hai
jo gungunāte ho har-dam kalām kis kā hai

juz ma.asiyat ke kuchh nahīñ hai kaam mujh aasī ke ta.iiñ
har roz o har shaam o sahar koī kuchh kaho koī kuchh kaho

jaise sub.h ko sūraj nikle shaam Dhale chhup jaa.e hai
tum bhī musāfir maiñ bhī musāfir duniyā ek sarā.e hai

ḳhauf-e-tādīb se mazlūmoñ pe royā na gayā
shām-e-maqtal meñ koī bhī na azādār uThā

ab to yādoñ ke ufuq par chāñd ban kar muskurā
rote rote ho ga.ī hai shaam tere shahr meñ

zehn meñ ehsās-e-ruḳhsat hī na hogā shaam tak
baḌhte baḌhte din ke lamhe yuuñ havā ho jā.eñge

shaam aa.ī to koī ḳhush-badnī yaad aa.ī
mujhe ik shaḳhs kī va.ada-shiknī yaad aa.ī

sahar aur shaam se kuchh yuuñ guzartā jā rahā huuñ maiñ
ki jiitā jā rahā huuñ aur martā jā rahā huuñ maiñ

kahāñ hai shām-e-tamannā malāhatoñ kā vo rañg
kahāñ haiñ sub.h-e-tasavvur sabāhateñ terī

chāhtā hai ki unheñ shām-o-sahar pyaar kare
dil-e-ma.asūm kī hasrat pe hañsī aatī hai

maiñ use sub.h na jānūñ jo tire sañg nahīñ
maiñ use shaam na mānūñ ki jo tere bin hai

mutma.in koī nahīñ hālāt se
shaam ke lab par sahar kī baat hai

jahāñ par tum bichhaḌ kar mil na paa.e
vo shām-e-be-nazāra aañkh meñ hai

chamak-damak ke makr se nikle karb ke bandhan TuuT ga.e
shām-e-judā.ī ke mahtāb se sub.h kā aḳhtar achchhā thā

yahī duā hai ki 'chandā' kā dil alī valī
tere karam se rahe shaam aur sahar mahzūz

shaam ko zindagī karne vaale rañg-birañge phuul
phuul vo saare rah ga.e pyāre dariyā ke us paar

jab pasīne kā ḳharīdār na ho tab mazdūr
shaam ko nazreñ jhukā.e hue ghar jaate haiñ

sahābī shaam sar-e-chashm phailte jugnū
kisī ḳhayāl ne bo dī ye kahkashāñ mujh meñ

haath phailā.e hue shaam jahāñ aa.egī
band hotā huā darvāza-e-ḳhāvar hogā