Tags-Shaam

shaam Dhalne lagī hai ab 'muftī'
sub.h kā bhūlā ghar nahīñ aayā

jab shaam ke saa.e shajar-o-shāḳh se utre
ham takte hue rāh-guzar lauT ga.e haiñ

ye bojhal shaam kā dhundlā tasavvur
mire ehsās par chhāyā magar kyuuñ

Dhale haiñ in meñ mirī zindagī ke shām-o-sahar
haiñ mere sher hikāyāt-e-muḳhtasar kī tarah

jaam hāthoñ se pilātā hai vo har shaam ke ba.ad
kaash hoñToñ se bhī ik roz pilā.e haa.e

dil kī dīvāroñ se lipTī hai kisī shaam kī yaad
jaane vaalā to kabhī lauT ke aayā bhī nahīñ

jab se ye shahr chhoḌ ke koī chalā gayā
sach kah rahī huuñ raunaq-e-shām-e-ġhazal ga.ī

shām-e-firāq meñ mujhe tere hī ġham ke faiz se
niind achānak aa ga.ī zehn kā bojh utar gayā

raat ke ba.ad vo sub.h kahāñ hai din ke ba.ad vo shaam kahāñ
jo āshufta-sarī hai muqaddar us meñ qaid-e-maqām kahāñ

ye kārobār-e-jabr-o-jahālat nahīñ qubūl
ye fīstā.iyat kisī hālat nahīñ qubūl

ayyām ke har zikr se aur fikr se fāriġh
yā ishq hai vird-e-sahar-o-shām hamārā

nigār-e-shām-e-ġham maiñ tujh se ruḳhsat hone aayā huuñ
gale mil le ki yuuñ milne kī naubat phir na aa.egī

huī hai shaam darīchoñ pe chāñd chamke hai
hai kis kā saaya jo shab bhar sisaktā rahtā hai

savād-e-manzar-e-ḳhvāb-e-pareshāñ kaun dekhegā
asīr-e-zulf ho kar shām-e-hijrāñ kaun dekhegā

ham siyah-baḳhtoñ kā kyūñ-kar rā.egāñ jaave vabāl
shaam niiñ phūlī ye laagī hai falak ke tan ko aag

ab mirī shab mire ashkoñ se rahegī raushan
shaam ke vaqt diyā merā bujhā hai yaaro

maryam-e-shām khule baal phir aatī dekho
phir masīhā koī suulī pe chaḌhā hai yaaro

ishāre kar rahā hai dūriyoñ kā khaultā sāgar
mujhe har shaam ik andhā safar vāpas bulātā hai

shaam hote hī maiñ
pasīne meñ bhīgā huā badan