Tags-Shaam

añdherī sub.h vīrāñ raat yā shām-e-fasurda
mirā har lamha un meñ se kisī par mushtamil hai

na aayā koī lab-e-bām shaam Dhalne lagī
vufūr-e-shauq se āñkhoñ meñ ḳhuun aa bhī gayā

din le ke jā.ūñ saath use shaam kar ke aa.uuñ
be-kār ke safar meñ koī kaam kar ke aa.uuñ

qalam kī raushnā.ī jaane kyā ilzām de mujh ko
maiñ apnī sub.h ke aurāq par jab shaam likkhūñgā

shaam tak TuuT ke har roz bikhar jaatā huuñ
yaas ummīd meñ tabdīl nahīñ ho paatī

ai kaash hamārī qismat meñ aisī bhī koī shaam aa jaa.e
ik chāñd falak par niklā ho ik chāñd sar-e-bām aa jaa.e

thakan kā bojh badan se utārte haiñ ham
ye shaam aur kahīñ par guzārte haiñ ham

baiThe jo shaam tak ham bolā vo mehrbāñ ho
jo ḳhvāhisheñ haiñ un kā kuchh intiḳhāb kiije

shaam kā bādal na.e na.e andāz dikhāyā kartā hai
kabhī vo nanhā bachcha ban kar mere sāmne aatā hai

shaam hote hī sulag jaate haiñ har ghar meñ charāġh
Duub jaate haiñ sitāre to sahar hotī hai

har ek samt udāsī kī titliyāñ jāgīñ
tulū-e-shām se pahle siyāhiyāñ jāgīñ

arzāñ hai bahut ḳhuun farozāñ hai bahut shaam
kyā apnī hī mahfil meñ charāġhāñ na karoge

the gile aur gard-e-bād kī shaam
aur ham sab bikharne vaale the

mire dāġh-e-dil vo charāġh haiñ nahīñ nisbateñ jinheñ shaam se
unheñ tū hī aa ke bujhā.egā ye jale haiñ tere hī naam se

ba-vaqt-e-shām samundar meñ gir gayā sūraj
tamām din kī thakan se niDhāl aisā thā

jis ko samjhe lab-e-pāñ-ḳhurda vo mālida-misī
mardumāñ dekhiyo phūlī vo kahīñ shaam na ho

jab ki pahlū meñ hamāre but-e-ḳhud-kām na ho
girye se shām-o-sahar kyuuñ ki hameñ kaam na ho

purānā shahr
vaqt-e-shām

baḌī dilchaspiyoñ se sub.h-e-shām-e-zindagī hogī
maiñ dekhūñgā unheñ aur saarī duniyā dekhtī hogī

jo vaqt jā.egā vo palaT kar na aa.egā
din raat chāhiye sahar-o-shām kā lihāz