Tags-Shaam

har ek raat mirī zindagī kā mātam hai
har ek shaam yahāñ maut ke sivā kyā hai

dhuup thī saath jo din bhar vo kisī aur kī thī
kyā dhuñdlakā bhī sar-e-shām kisī aur kā hai

shaam dulhan kī tarah
apne rañgoñ meñ nahā.ī huī sharmā.ī huī baiThī hai

falak pe DhūñDte haiñ gard-e-rañg-e-rafta-e-dil
zamīñ pe shām-e-talab kā nishāñ banāte haiñ

kis tarah ḳhush hoñ shaam ko vo chāñd dekh kar
aatā nahīñ hai mash.al-e-mah kā dhuāñ pasand

har tīrah-fām sub.h kā virsa hai mushtarak
har nūr-dīda shaam meñ tū bhī hai maiñ bhī huuñ

zindān-e-sub.h-o-shām meñ tū bhī hai maiñ bhī huuñ
ik gardish-e-mudām meñ tū bhī hai maiñ bhī huuñ

shaam ke Dhalte sūraj ne ye baat mujhe samjhā.ī hai
tārīkī meñ dekh sakūñ to āñkhoñ meñ bīnā.ī hai

biivī akelī Dartī hai
shaam huī ab chaliye ghar

ḳhudā gavāh faqīroñ kā tajraba ye hai
jahāñ ho sub.h tumhārī vahāñ na shaam karo

jab koī shām-e-hasīñ nazr-e-ḳharābāt huī
aksar aise meñ tire ġham se mulāqāt huī

shaam se jaise nihāñ mahr ho so vasl kī raat
muñh chhupā kar vo is uslūb kahīñ baiTh rahā

is taraf kaam hamārā to nahīñ hai koī
aa nikalte haiñ kisī shaam tumhārā kar ke

ki jaise koī musāfir vatan meñ lauT aa.e
huī jo shaam to phir se thakan meñ lauT aa.e

sub.h tak hijr meñ kyā jāniye kyā hotā hai
shaam hī se mire qaabū meñ nahīñ dil merā

kyā svāñg bhare roTī ke liye izzat ke liye shohrat ke liye
suno shaam huī ab ghar ko chalo koī shaḳhs akelā ghar meñ hai

nahīñ shām-e-tīra se māyūs maiñ
bayābāñ ke pīchhe chaman bhī to hai

us ke aane ke to imkāñ nazar aate hī nahīñ
isī ummīd meñ sab shaam sahar jā.eñge

ek din shaam ko bāzār meñ chalte-phirte
sansanāhaT sī huī saare badan meñ mere

pal pal jiine kī ḳhvāhish meñ karb-e-shām-o-sahar māñgā
sab the nashāt-e-nafā ke pīchhe ham ne ranj-e-zarar māñgā