Tags-Shaam

thak ke baiThūñ to mujhe rasta nazar aa.egā
shaam is dasht meñ guzregī to ghar aa.egā

shām-e-firāq sub.h-e-daraḳhshāñ hai āj-kal
har ashk jaise nayyar-e-tābāñ hai āj-kal

kal kā sūraj isī dahlīz pe dekhegā mujhe
kal bhī kashkol mirā shaam ko bhar jā.egā

apne chehre se jo zulfoñ ko haTāyā us ne
dekh lī shaam ne tābinda sahar kī sūrat

shām-e-ġham afsurda-o-hairāñ the ham
log samjhe be-sar-o-sāmāñ the ham

shaam kī dhund
aaj

rafta rafta chīḳhnā ārām ho jaane ke baad
Duub jaanā phir nikalnā shaam ho jaane ke baad

sahar se shaam huī shaam ko ye raat milī
har ek rañg samay kā bahut ghanerā hai

sub.h hotī hai shaam hotī hai
umr yūñhī tamām hotī hai

mujh meñ hī mirī ruuh bhaTaktī hai to kab se
āvārgī-e-shām sambhālī hai to kyā hai

vo jo umr bhar meñ kahī ga.ī sar-e-shām-e-hijr likhī ga.ī
vahī dāstān-e-vafā mirī mare hoñT kis liye sī ga.ī

ik subū aur ki lauh-e-dil-e-mai-noshāñ par
kuchh nuqūsh-e-sahar-o-shām abhī baaqī haiñ

ukhaḌte ḳhemoñ pe kyā qahr-e-shām TuuTā hai
lahū meñ Duubā huā āftāb dekhte haiñ

kyā jāniye kyā biit ga.ī din ke safar meñ
vo muntazir-e-shām sar-e-shām na aayā

na jaane log Thaharte haiñ vaqt-e-shām kahāñ
hameñ to ghar meñ bhī rukne kā hauslā na huā

ik suhānī shaam ke rañgoñ ke ghere meñ kahīñ
maiñ mirī tanhā.ī yād-e-raftagāñ āb-e-ravāñ

dil-e-dīvāna ki bhūle hī se ghar rahtā hai
zikr kyuuñ us kā magar shām-o-sahar rahtā hai

'riyāz' ma.ashūq-e-māh-paikar koī na koī hai jalva-gustar
ki shaam aa.ī hai jo mire ghar vo chāñd laa.ī hai chaudhvīñ kā

utartī shaam ke saa.e bahut malūl se the
so ek shab maiñ vahāñ bhī qayām kar aayā

sub.h-e-visāl kab se numūdār ho chukī
nāpaid shām-e-hijr kā Dar ho nahīñ rahā