Tags-Shahr

tamām shahar meñ sīna-ba-sīna phail ga.ī
kisī ke bhīge laboñ se vabā-e-tishna-labī

shahr jal bujh gayā log mar kab ga.e
sub.h-e-nau kal nayā hādisa dekhiye

shahr kī vīrāñ saḌak par jashn-e-ġham karte hue
jā rahā huuñ ḳhushki-e-mizhgāñ ko nam karte hue

shahr-e-dil ke bā-vafā jab kho ga.e
āḳhirash ik be-vafā baaqī rahā

na hosh bā-ḳhabar is se na be-ḳhudī āgāh
maiñ kis se pūchhūñ tire shahr-e-iltifāt kī raah

mirā qalam nahīñ kirdār us muhāfiz kā
jo apne shahr ko mahsūr kar ke naaz kare

shahr-e-aġhyār sahī itnī ḳhushī kyā kam hai
ham ne dekhā tujhe aur anjuman-ārā dekhā

ho gayā ḳhāmosh jo shahr-e-ḳhamoshāñ kā huā
hai dahān-e-gor maujūd aur goyā.ī nahīñ

larzāñ tarsāñ bar-sar-e-mizhgāñ ḳhuun ke aañsū haiñ 'tāriq'
sham-e-farozāñ shahr meñ le kar ḳhūnī manzar dekhā hai

vo vaqt na aa.e ki dil-e-zār bhī soche
is shahr meñ tanhā koī ham sā hai ki tum ho

ābād ham āshufta-saroñ se nahīñ maqtal
ye rasm abhī shahr meñ zinda hai ki tum ho

rāsta rok sakī haiñ na fasīleñ na hisār
phuul jañgal meñ khile shahr meñ ḳhushbū aa.e

jalne lage jo shahr to saarā uñDel duuñ
jā kar kisī kināre se phir bhar luuñ aur gā.ūñ

sunā hai maqtal meñ aaj koī qatīl-e-hasrat shahīd hogā
huī jo shohrat ye shahar meñ hai har ik taraf ek sansanī hai

maiñ phuul chuntī rahī aur mujhe ḳhabar na huī
vo shaḳhs aa ke mire shahr se chalā bhī gayā

ye tez raushnī rātoñ kā husn khā ga.ī hai
tumhāre shahr meñ ham apnī chāñdnī se ga.e

faqīh-e-shahr kī har baat maan lo chup-chāp
agar savāl uThāyā, to zindagī se ga.e

maiñ ne is shahr ko dekhā bhī nahīñ jī bhar ke
aur tabī.at hai ki ghabrā.ī chalī jaatī hai

mere shīshe meñ utar aa.ī hai jo shām-e-firāq
vo kisī shahr-e-nigārāñ kī parī lagtī hai

shahr se duur hare jañgal meñ
bārish ne hameñ gher liyā thā