Tags-Shahr

ye kaisī toḌ phoḌ hai shahr-e-vujūd meñ
ātañk mach gayā hai javānī ke ba.ad kyā

chamakte chāñd bhī the shahr-e-shab ke aivāñ meñ
nigār-e-ġham sā magar koī sham.a-rū na milā

shahr ke fōtpath par kuchh chubhte manzar dekhnā
sard rātoñ meñ kabhī ghar se nikal kar dekhnā

koī surāġh koī naqsh-e-pā nahīñ miltā
tumhāre shahar kā ab rāsta nahīñ miltā

suno hameñ hī jalā do ki raushnī ke liye
hamāre shahar ko koī diyā nahīñ miltā

ajiib shahar hai kūfa-mizāj logoñ kā
koī bhī shaḳhs qarīn-e-vafā nahīñ miltā

vo shahr-e-zāt kī har ik galī se vāqif thā
magar maiñ rāste taqsīm kar chukī thī vahāñ

amn kā parcham liye phirte ho saare shahr meñ
aur nañg-e-ādmi.yat tum hī kahlā.e to phir

tamām shahr ne lauTā diyā hai ḳhālī haath
aur us ke dar se bhī inkār ho gayā to phir!

baḌā shor thā tire shahr kā so guzār aa.e haiñ din vahāñ
vo sakūñ ki jis kī talāsh hai tire shahr meñ bhī milā nahīñ

saarā maazī mirī āñkhoñ meñ simaT aayā hai
maiñ ne kuchh shahr basā rakkhā haiñ vīrāne meñ

is ko kyā kahte haiñ 'iqbāl' kisī se pūchho
dil na ab shahr meñ lagtā hai na vīrāne meñ

savād-e-shahr meñ milte haiñ log sañg-ba-dast
savād-e-shahr se sahrā ko rāsta jo huā

shahar-bhar meñ phuul kī chādar bichhānā hai mujhe
apne shahzādoñ ko kāñToñ par chalā saktā nahīñ

ab 'saifī' kī bātoñ meñ vo pahle jaisī baat kahāñ
shahr meñ aane se pahle ye shaḳhs nihāyat saada thā

bayābāñ duur tak maiñ ne sajāyā thā
magar vo shahr ke raste se aayā thā

tamām shahr meñ bāñTī hai dard kī ḳhairāt
ham us kī diin ko dil meñ nahīñ samo baiThe

tamām shahr hī terī adā se qaa.em hai
husūl-e-kār-gah-e-ġham duā se qaa.em hai

ho saare shahr meñ ye munādī ki jashn ho
apnī hī saf meñ haare dilāvar palaT kar aa.e

teġh-e-qātil pe chamaktī hai mire ḳhuun kī zau
shahr-e-bedād meñ ḳhat likh ke bulāyā huā maiñ