English
Favourite
Favourite
UrduShayarUrduShayar
Expand menu
Sign inAccount

Tags-Shahr

shahr-e-suḳhan meñ aisā kuchh kar izzat ban jaa.e
sab kuchh miTTī ho jaatā hai izzat rahtī hai
Sher
 shahr-e-suKHan mein aisa kuchh kar izzat ban jae
kahānī-kār tujhe kyā ḳhabar ye shahr dukhī
tire fasāna-e-ġham-nāk se ziyāda hai
Ghazal
 meri zamin tere aflak se ziyaada hai
shahr-e-ehsās tirī yaad se raushan kar ke
maiñ ne har ghar meñ tire zikr kī jur.at kī hai
Ghazal
 ishq ne jab bhi kisi dil pe hukumat ki hai
shahr ke tīra-tarīñ ghar se vo ḳhurshīd milā
jis kī tanvīr meñ tāsīr qayāmat kī hai
Ghazal
 ishq ne jab bhi kisi dil pe hukumat ki hai
dhuāñ jo kuchh gharoñ se uTh rahā hai
na puure shahar par chhā.e to kahnā
Ghazal
 ye duniya tumko ras aae to kahna
kis ko sadā.eñ detā hai tū shahr-e-tamannā meñ ai dil
kaun yahāñ hai terā sāthī sabhī to haiñ begāne log
Ghazal
 karte rahen wabasta un se chahe jo afsane log
ik nayā ehsās dete haiñ vo ahl-e-sañg ko
aabrū ke saath rahnā shahr meñ achchhā na thā
Ghazal
 wo meri duniya ka malik tha magar mera na tha
yahīñ kahīñ pe koī shahr bas rahā thā abhī
talāsh kījiye is kā agar nishāñ koī hai
Ghazal
 KHabar nahin thi kisi ko kahan kahan koi hai
haañ ham ne bhī aaj kisī kā nāzuk sā dil toḌā hai
shahr-e-vafā kī rasm yahī hai ham is par sharmā.eñ kyuuñ
Ghazal
 tum se rah-o-rasm baDha kar diwane kahlaen kyun
tumhāre shahr meñ mayyat ko sab kāñdhā nahīñ dete
hamāre gaañv meñ chhappar bhī sab mil kar uThāte haiñ
Sher
 tumhaare shahr mein mayyat ko sab kandha nahin dete
zindāñ meñ huuñ maiñ shahr-e-nigārāñ se kyā mujhe
is gulsitāñ kī bād-e-bahārāñ se kiyā mujhe
Ghazal
 zindan mein hun main shahr-e-nigaran se kya mujhe
vīrāniyāñ haiñ gor-e-ġharībāñ sī har taraf
lenā hai aaj shahr-e-daraḳhshāñ se kyā mujhe
Ghazal
 zindan mein hun main shahr-e-nigaran se kya mujhe
chaman kā shahr fasl-e-gul meñ jab ābād thā 'uzlat'
sabā ke rañg meñ gul-gasht kar hazz-e-junūñ paayā
Ghazal
 are ulTe zamane mujh pe kya sidha sitam laya
ab us kī shahr meñ tash.hīr kyuuñ kareñ jā kar
huā hai gaañv meñ apne jo nā-gahāñ sā kuchh
Ghazal
 bujhai aag to raushan hua dhuan sa kuchh
dikhā.ī detā thā ye shahr merī āñkhoñ se
yahāñ ke log mujhe aa.ina samajhte rahe
Ghazal
 meri KHamoshi ko bhi ek sada samajhte rahe
tū hī hujūm-e-shahr meñ pahchān le mujhe
maiñ āshnā nahīñ huuñ tire ḳhadd-o-ḳhāl se
Ghazal
 aane lagi hai zahr ki KHushbu shumal se
hoñToñ pe mohr bhī nahīñ naġhmāt bhī nahīñ
ai mehrbāñ ye shahr-e-tilismāt bhī nahīñ
Ghazal
 honTon pe mohr bhi nahin naghmat bhi nahin
vo baiThtā hai shahar ke hotel meñ aaj bhī
mere nasīb meñ koī fōtpath bhī nahīñ
Ghazal
 honTon pe mohr bhi nahin naghmat bhi nahin
ye shahr kyā hai nikaltā nahīñ koī ghar se
ka.ī dinoñ se tamāsha lagā.e baiThā huuñ
Ghazal
 main apne gird lakiren bichhae baiTha hun
masjideñ shahr kī ai pīr-e-muġhāñ ḳhālī haiñ
mai-kade meñ to jamā.at kī jamā.at aa.ī
Ghazal
 ai junun phir mere sar par wahi shamat aai
Top Urdushayar.com