English
Favourite
Favourite
UrduShayarUrduShayar
Expand menu
Sign inAccount

Tags-Shahr

kis kis se aur pūchhte us shahr kā patā
vo jo hameñ mile the javāb ek hī se the
Ghazal
 aankhen asir-e-KHwab thin KHwab ek hi se the
ye tez raushnī rātoñ kā husn khā ga.ī hai
tumhāre shahr meñ ham apnī chāñdnī se ga.e
Ghazal
 shaguftagi se gae, dil-giraftagi se gae
faqīh-e-shahr kī har baat maan lo chup-chāp
agar savāl uThāyā, to zindagī se ga.e
Ghazal
 shaguftagi se gae, dil-giraftagi se gae
zehn par bār-e-girāñ band qabā ke lams kā ehsās bhī
aur shahr-e-habs meñ rasta koī khultā nahīñ
Nazm
 adhuri nasl ka pura sach
vo ki chāñd jis pe kabhī ġhurūb nahīñ huā
yahāñ ik vo shahr-e-jamāl thā so nahīñ rahā
Ghazal
 shab-o-roz raqs-e-visal tha so nahin raha
sadā.eñ ham ne sunī haiñ jo shahr meñ un se
ik ek lafz baġhāvat kashīd karte haiñ
Ghazal
 hujum-e-gham se masarrat kashid karte hain
shahr ke chaurāhe par paa.ī thī us ne tarbiyat
umr bhar auroñ ke aage haath phailātā rahā
Ghazal
 apni gumshudgi ki afwahen main phailata raha
phir bapā shahar meñ afrātafrī kar jaa.e
koī ye sūkhī huī Daar harī kar jaa.e
Ghazal
 phir bapa shahar mein afraatafri kar jae
shahr meñ dariyā-dilī kī lan-tarānī aur hai
par mire panghaT se bahtā hai jo paanī aur hai
Ghazal
 shahr mein dariya-dili ki lan-tarani aur hai
dekhe haiñ merī āñkhoñ ne manzar ajab ajab
ik peḌ mere shahr kā sāyoñ ko khā gayā
Ghazal
 kal raat mere sath ajab hadisa hua
sāya-e-zulf nahīñ shola-e-ruḳhsār nahīñ
kyā tire shahr meñ sarmāya-e-dīdār nahīñ
Ghazal
 saya-e-zulf nahin shola-e-ruKHsar nahin
kyā tire shahr ke insān haiñ patthar kī tarah
koī naġhma koī pāyal koī jhankār nahīñ
Ghazal
 saya-e-zulf nahin shola-e-ruKHsar nahin
na pūchh mujh se ki shahr vāloñ kā haal kyā thā
ki maiñ to ḳhud apne ghar meñ bhī do ghaḌī rahā huuñ
Ghazal
 agarche main ek chaTan sa aadmi raha hun
shab ke sannāTe hī meñ kartā hai sachchī guftugū
shahr apnā dukh sunātā hai dar o dīvār par
Ghazal
 ajnabiyat thi magar KHamosh istifsar par
girī paḌī dekhī hai saḌak par tanhā.ī
pichhle pahar ko shahr kī niiñd ajab hotī hai
Ghazal
 achchhi-KHasi ruswai ka sabab hoti hai
kaun tāqoñ pe rahā kaun sar-e-rāhguzar
shahr ke saare charāġhoñ ko havā jāntī hai
Sher
 kaun taqon pe raha kaun sar-e-rahguzar
phuul zaḳhmoñ ke khile haiñ jā-ba-jā
ye to mere shahr kā manzar nahīñ
Ghazal
 aaj kuchh andesha-e-sarsar nahin
shahr meñ aag lagī hai apne
jo bhī aa.e vo sambhal kar aa.e
Ghazal
 tir barse kabhi KHanjar aae
shahr meñ jab koī hañgāma huā
log kuchh bhes badal kar aa.e
Ghazal
 tir barse kabhi KHanjar aae
shahr vāloñ ko to jaise kuchh patā chaltā nahīñ
roktā rahtā hai sāhil roz-o-shab tūfān ko
Ghazal
 kis qadar mahdud kar deta hai gham insan ko
Top Urdushayar.com