Tags-Shahr

haiñ chanāroñ ke chehre bhī jhulse hue
zaḳhm sab kā harā hai tire shahar meñ

niklā huuñ shahr-e-ḳhvāb se aise ajiib haal meñ
ġharb mire junūb meñ sharq mire shumāl meñ

ye kaise hādsāt kī sūrat hai shahar meñ
chehroñ kā rañg zard kabhī hai kabhī nahīñ

maiñ shahr meñ kise ilzām-e-nā-shanāsī duuñ
ye harf ḳhud mire kirdār par bhī aatā hai

nisf shahr us gesu-e-mushkīñ ne dil-basta kiyā
ḳhusrav-e-tātār kī tauqīr aadhī rah ga.ī

''nahīñ ye sūraj ke shahr kā aadmī nahīñ hai
ki ye to marne ke ba.ad fōtpath par paḌā hai

''ye shahr sūraj kā shahr hai is ke roz-o-shab kā pata nahīñ hai
na aaj tak vaqt aur tārīḳh kā mujhe ilm ho sakā hai

bhiiḌ meñ bhī ik chāñd chamaktā rahtā hai
shahr meñ bhī paa.el sī chhanaktī rahtī hai

kyā qadr-e-anā hogī jabīñ jaan rahī hai
jis shahr meñ sajdoñ kī hī pahchān rahī hai

mazbūt rahā husn-e-nazar se mirā rishta
jab tak vo mire shahr meñ mehmān rahī hai

apnī jaḌeñ kaaT kar
chal to paḌā shahr kī or

alam-bardār tanhā.ī thā apnā 'farhat-ehsās'
hujūm-e-shahr ke hāthoñ jo maarā jā rahā hai

fasīl-e-shahr pe kitne charāġh the raushan
siyāh raat kā pahrā diloñ ke andar thā

is shahr-e-mohabbat meñ vo ruktā hī nahīñ hai
jo shor tire pyaar ke mehvar se uThā hai

ham chale jaate haiñ is shahr ke jañgal se kahīñ
tum hameñ dard kī ḳhairāt to do jaate haiñ

lamha lamha phailtā hī jā rahā hai chār-sū
shahr meñ jañgal kī ik din be-karānī dekhnā

maiñ shahr ko kahtā hoñ bayābāñ ki yahāñ bhī
saaya tirī dīvār kā kab sar pe paḌā hai

vo apne gaañv se kal hī to shahr aayā hai
vo baat baat pe hañstā hai maiñ laraztā huuñ

lagā pahchānñe maiñ rāste jab
nikālā us ne mujh ko shahr se tab

amīr-e-shahr kī chaukhaT pe jā ke lauT aayā
ġharīb-e-vaqt añgūThā dikhā ke lauT aayā