Tags-Shahr

ai shahr-e-ḳharābāt ke āshufta-mizājoñ
jab TuuT chuke ho to bikhar kyuuñ nahīñ jaate

ab junūñ meñ bhī nahīñ aatā hai sahrā kā ḳhayāl
shahr-e-hikmat meñ hai vahshat-ḳhez vīrānī hanūz

sailāb kī shikast pe hañstā huā ye shahr
aur āsmāñ pe qaus-e-quzah bhī kamāl kī

ġharīb shahr haiñ is shahr meñ ham
hamārā āshnā koī nahīñ hai

shab kī havā se haar ga.ī mere dil kī aag
yaḳh-basta shahr meñ koī radd-o-badal na thā

jañgal ke ġhazāloñ pe ajab ḳhauf hai taarī
tūfān koī shahr kī jānib se uThā hai

sab jaane pahchāne chehre maiñ bhī tū bhī ye bhī vo bhī
lāshoñ kā ik shahr basā hai lafzoñ kī dīvār ke pīchhe

zindagī hañsne lagī parchhā.iyoñ ke shahr meñ
chāñd kyā ubhrā ki sab manzar suhāne ho ga.e

shahr meñ dhuum machātī rahī kyā taaza havā
ham ne dar vā na kiyā ham haiñ gila-mand apne

yahī dil jo ik buuñd hai bahr-e-ġham kī
Dubo degā sab shahr tūfān kar ke

qais mile to us se pūchhūñ kyā tire jī meñ aa.ī divāne
shahr ko tū ne kis liye chhoḌā kyuuñ ke ḳhush aayā tujh ko sahrā

shahr ḳhvāboñ kā sulagtā rahā aur shahr ke log
be-ḳhabar so.e hue apne makānoñ meñ mile

ye us kā shahr hai us kī mahak batātī hai
zarā talāsh karo us kā ghar bhī aa.egā

is ḳhatā ne mujh ko bhī sharmsār kar Daalā
shahr ke ra.īsoñ se dostī na thī apnī

zindagī ke shahr meñ muda-dilī taqdīr thī
jo bhī jān-e-bazm thā us kā koī chehra na thā

ai qarya-e-dil dekh guzartī hai isī taur
har shahr pe barbādī-o-zer-o-zabarī meñ

shahr-e-shab meñ apnī faqat ik najm-e-sahar se yaarī thī
ham kuchh aise so.e vo bhī rafta rafta bhuul gayā

zamāna biit gayā shahr-e-dushmanī chhoḌe
mirā shumār abhī tak muhājirīn meñ hai

'jamīl' ik ġham-e-farosh-e-vādī-e-ġhurbat sahī lekin
tumhāre shahar meñ koī Thikāna DhūñDh hī legā

be-hisī miltī mujhe shahr meñ jiine ke liye
yā mirā dast-e-hunar dast-e-fusūñ honā thā