Tags-Shahr

ek ham hī to nahīñ haiñ jo uThāte haiñ savāl
jitne haiñ ḳhāk-basar shahr ke sab pūchhte haiñ

khulī jo aañkh to kuchh aur hī samāñ dekhā
vo log the na vo jalse na shahr-e-rānā.ī

phir us kī yaad meñ dil be-qarār hai 'nāsir'
bichhaḌ ke jis se huī shahr shahr rusvā.ī

shāyad ki so ga.e haiñ bahut thak ke dil-jale
shahr-e-junūñ tamām hai suunā paḌā huā

na panghaT na rishte na sukh-dukh kī bāteñ
mirā gaañv ab shahr jo ban gayā hai

lagtā hai yahāñ maut nahīñ aanī kisī ko
is shahr meñ ab koī vasiyyat nahīñ kartā

toḌe koī qile ko koī luuTe shahr ko
ab kis se apnī māñge bhalā daad āgara

māthe jab sajdoñ se uThe to safoñ safoñ jo farishte the
sab is shahr ke the aur ham in sab ke jānñe vaale the

ye shahr apnā
ajab shahr hai ki

phirtī haiñ dil meñ sūrateñ qurb-o-javār kī
ābād hai ye shahr mazāfāt ke liye

kahāñ tak saath deñge shahr vaale
kahāñ tak qaid āvāzeñ raheñgī

maiñ ne is shahr meñ vo Thokareñ khaa.ī haiñ ki ab
aañkh bhī muuñd ke guzrūñ to guzar jaatā huuñ

is shahr ke bādal tirī zulfoñ kī tarah haiñ
ye aag lagāte haiñ bujhāne nahīñ aate

dil aise shahr ke pāmāl ho jaane kā manzar bhūlne meñ
abhī kuchh din lageñge

jaise vīrān havelī meñ hoñ ḳhāmosh charāġh
ab guzartī haiñ tire shahr meñ shāmeñ aisī

kuchh bhī na bachā shahr meñ juz rone kī rut ke
har sho.ala-e-āvāz ko malhār pe khīñchā

yūsuf kabhī nīlām huā kartā thā lekin
yūsuf ko bhī is shahr ne hai daar pe khīñchā

tumhāre shahr kā mausam baḌā suhānā lage
maiñ ek shaam churā luuñ agar burā na lage

kahne sunñe kā ajab donoñ taraf josh rahā
shahr kī bātoñ pe sahrā hama-tan-gosh rahā

dekho ye shahr hai ajab dil bhī nahīñ hai kam ġhazab
shaam ko ghar jo aa.uuñ maiñ thoḌā sā saj liyā karo