Tags-Shahr

maiñ dil kī laash par nauha-kunāñ huuñ aur tū zālim
bulā kar shahr-dāroñ ko mirā chehra dikhātā hai

yahāñ chaltā hai mere shahr meñ qānūn jañgal kā
yahāñ har memana koī darinda kaaT khātā hai

ye shahr sehr-zada hai sadā kisī kī nahīñ
yahāñ ḳhud apne liye bhī duā kisī kī nahīñ

shahr shahr sannāTe yuuñ sadā ko ghere haiñ
jis tarah jazīroñ ke pāniyoñ meñ Dere haiñ

shā.istagān-e-shahr meñ mat kījiye shumār
mardūd-e-ḳhalq huuñ mujhe rusvā.ī chāhiye

vo dhuul jis ko dī na kisī shahar ne amaañ
lipTī huī hai paañv se dam-sāz kī tarah

pattoñ ke qahqahoñ meñ sadā-e-bukā na DhūñD
jañgal meñ rah ke shahr kī āb-o-havā na maañg

jā apnī laash ko kahīñ jañgal meñ pheñk aa
is shahr ke amiir se dād-e-vafā na maañg

banā huā hai mirā shahr qatl-gāh koī
palaT ke maaoñ ke laḳht-e-jigar nahīñ aate

jab ye ḳhvāhish kā amboh-e-vahshat na thā shahr itnā tahī-dast-e-fursat na thā
kitne ābād rahte the ahl-e-hunar har nazar thī yahāñ mehrbāñ yā aḳhī

ab shahr kī ḳhāmoshī vīrāne se miltī hai
āvāz lagā.ī to bolā hī nahīñ koī

mil hī jā.egā kahīñ shahr-e-nigārāñ 'aḳhtar'
ai parastār-e-butāñ aur zarā tez qadam

kahtā hai tire sar kī safedī meñ chhupā dukh
ik shahr-e-butāñ vaqt kī dīvār meñ gum hai

vo mahfileñ vo misr ke bāzār kyā hue
ai shahr-e-dil tire dar-o-dīvār kyā hue

shahr meñ zindāñ the jitne sab munavvar ho ga.e
kis jagah dil ko jalāyā thā kahāñ raushan huā

bosa dete hue patthar ko qadam tez karo
darmiyāñ sañg ke ik shahar-e-nagīñ hai raushan

agar nazar ho to paḌh lo payām-e-bedārī
fasīl-e-shahr pe likkhā huā fasād meñ hai

sho.ala-e-ishq ġham-e-hijr sar-e-shahr-e-hujūm
ik garebān thā sad-chāk se aage tak thā

rah ga.iiñ shahr-e-ḳhirad meñ hī ulajh kar socheñ
ik jahāñ aur bhī idrāk se aage tak thā

'az.har' mirī ġhazal ke sabab ab ke shahr meñ
kitnī na.ī purānī shanāsā.iyāñ ga.iiñ