Tags-Shahr

tanhā.ī meñ milo to tumheñ dil ke ās-pās
dikhlā.eñ ek shahr-e-tilismāt kī tarah

be-ā.īna shahr ne mujh ko
ḳhud sā be-chehrā samjhā thā

hamāre shahr meñ phūloñ kā zikr kaun kare
hamāre shahr meñ 'sādī' ḳhizāñ ziyāda hai

ab to ye shahr hai ik qālib-e-be-jāñ hamdam
kuchh yahāñ rahne kī ḳhushiyāñ na manānā hargiz

āsmāñ us ke liye aur zamīñ us ke saath
shahr kā chal diyā har ek hasīñ us ke saath

aap kā shahr agar baar samajhtā hai hameñ
kuuch kar jā.eñge sarkār koī baat nahīñ

muḌ ke dekhā aur patthar ke hue is shahr meñ
ḳhud sadā ban jaao āvāzeñ agar pīchhā kareñ

maiñ ghar se terī tamannā pahan ke jab niklūñ
barahna shahr meñ koī nazar na aa.e mujhe

fazā pe nahr-e-pur-afshān-e-tāb huur o tuhūr
ġhinā meñ shahr-e-qasūr-o-ḳhayām hai saaqī

ye batā ki kaun sī jañg meñ maiñ lahūluhān nahīñ rahā
magar aaj bhī tire shahr meñ koī mujh ko maan nahīñ rahā

har shaḳhs tere shahr meñ mujrim banā huā
phirtā hai DhūñDhtā huā rishta najāt kā

go tire saath mirā vaqt guzar jāatā hai
shahr meñ aur bhī logoñ se mulāqāteñ haiñ

shahar ḳhāmosh hai sab neza-o-ḳhanjar chup haiñ
kaisī uftād paḌī hai ki sitamgar chup haiñ

ba.az ghar shahr meñ aise dekhe
jaise un meñ koī rahtā hī na ho

haiñ sabhī ġhair to apnā maskan
shahr kyuuñ ho koī sahrā hī na ho

ham apnā muñh pher lete haiñ
aur shahr se duur

ham shahr se kahte haiñ
canvas ke juute

maiñ to is par bhī huuñ raazī ki tire shahr ke log
mere bante nahīñ apnā hī banā leñ mujh ko

tohmateñ hoñ yā ki patthar hoñ muqaddar us kā
ek dīvāna tire shahr meñ aayā huā hai

muntazir ā.īna-ḳhāne haiñ na jaane kis ke
shahr-e-timsāl meñ ab to koī chehra bhī nahīñ