Tags-Shahr

shikasta-hāl sā be-āsrā sā lagtā hai
ye shahr dil se ziyāda dukhā sā lagtā hai

shahr-e-tarab meñ milte haiñ apne bhī naqsh-e-pā
aa.e na gar yaqīn to aao dikhā.eñ ham

ab sar-e-qarya-e-be-dast paḌā hai kashkol
roz kaT jaate the is shahr meñ do-chār ke haath

luuT kuchh aisī machī shahr kā dar khulte hī
har taraf se nikal aa.e dar-o-dīvār ke haath

ik na.e tarz pe ābād kareñge us ko
ham tire shahr kī pahchān uThā laa.e haiñ

hamāre shahr meñ fan ke ijāra-dāroñ ne
kuchal rakhā hai diloñ ko faqat zabāñ ke liye

ham apne des aur apne hī shahr meñ 'ālī'
gadā-gadī pe haiñ majbūr soz-e-jāñ ke liye

maiñ ne hālāñki bahut vaqt guzārā hai yahāñ
ab maiñ is shahr meñ pal bhar nahīñ rahne vaalā

kal raat ka.ī ḳhvāb-e-pareshāñ nazar aa.e
jo shahr ki ābād the vīrāñ nazar aa.e

is shahr ko jo shaḳhs ke maulid kā sharaf ho
vo shaḳhs usī shahr meñ mehmāñ nazar aa.e

kabhī hotā hai jo vīrān mere shahr kā maqtal
kisī mansūr ko 'ārif' sadāqat khīñch laatī hai

raat bhar tanhā rahā din bhar akelā maiñ hī thā
shahr kī ābādiyoñ meñ apne jaisā maiñ hī thā

jab bhī jhāñkā shahr-e-dil meñ
ye nagar sunsān dekhā

shahr kī saḌkoñ par andhī raat ke pichhle-pahar
merā hī saaya mujhe rañgoñ kā shīrāza lagā

vo shahr ittifāq se nahīñ milā
hameñ to kuchh bhī ḳhaak se nahīñ milā

marg-e-shahr-e-ārzū kā kar chuke mātam 'salīm'
aao in lāshoñ ko ab lafzoñ kā pahnā.eñ kafan

mauj-e-balā dīvār-e-shahr pe ab tak jo kuchh likhtī rahī
merī kitāb-e-zīst ko paḌhiye darj haiñ sab sadmāt ke naam

kyā ḳhabar thī ai amīr-e-shahr tere daur meñ
saañs lenā jurm jiinā hādsa ho jā.egā

kabhī dekhā na thā yuuñ ham ne bāzār-e-vafā vīrāñ
to kyā is shahr meñ qahat-e-ḳharīdārāñ bhī honā thā

ijz-e-vafā bhī jurm hai shāyad
shahr-badar ho jaa.eñ bekas