Tags-Shahr

shahr-e-jānāñ se bhī ham laa.e mohabbat kā ḳhirāj
kyā zarūrī hai ki yaañ vaz-e-gadāyāna bane

be-hunar tujh se mirā ijz-e-hunar pūchhtā hai
mujh ko ma.atūb sar-e-shahr-e-hunar kis ne kiyā

shahr-e-ehsās meñ zaḳhmoñ ke ḳharīdār bahut
haath meñ sañg uThā shīshoñ ke bāzār bahut

amīr-e-shahr kī moTī samajh meñ kyā aate
zamīr-e-dahr ke nāzuk muāmle ham log

log dukhe hue tamām rañg bujhe hue tamām
aise meñ ahl-e-shām ne shahr sajā liyā to kyā

tumhāre shahr meñ ab to bahāreñ bhī huī baasī
hamāre gaañv aa jaao yahāñ patjhaḌ mahaktā hai

is shahr ke log baḌe hī saḳhī baḌā maan kareñ durveshoñ kā
par tum se to itne barham haiñ kyā aan ke maañg liyā tum ne

na is shahr-e-be-his ko sahrā kaho
suno ik hamārā bhī ghar hai yahāñ

shikasta
būḌhe shahr

shahr kā shahr so gayā 'tābish'
ab mire jāgne kī baarī hai

dīvāna abas shahr kī galiyoñ meñ hai barbād
majnūñ kisī jañgal ko nikal jaa.e to achchhā

ātish-afrozi-e-yak-shola-e-īmā tujh se
chashmak-ārā.i-e-sad-shahr charāġhāñ mujh se

ab jāñ-ba-lab haiñ shahr ke bīmār be-shumār
zar kī havas meñ sab ne masīhā.ī bech dī

kaun pas-e-manzar meñ ujḌe paikaroñ ko dekhtā
shahar kī nazreñ libās-e-ḳhushnumā meñ kho ga.iiñ

maiñ na yūsuf huuñ na ye shahr-e-zuleḳhā yaaro
kyoñ chale aa.e ho le kar sar-e-bāzār mujhe

uThtī nahīñ hai ham pe koī mehrbāñ nigāh
kahne ko shahr mahfil-e-aġhyār bhī nahīñ

shahr-e-gul ke ḳhas-o-ḳhāshāk se ḳhauf aatā hai
jis kā vāris huuñ usī ḳhaak se ḳhauf aatā hai

kahte haiñ log shahr to ye bhī ḳhudā kā hai
manzar yahāñ tamām magar karbalā kā hai

ye kyā kahā ki ahl-e-junūñ ab nahīñ rahe
'as.ad' jo tere shahr meñ banda ḳhudā kā hai

jañgal ke sannāTe se kuchh nisbat to hai
shahr ke hañgāme meñ phirtā kaun akelā