Collections

Lab Shayari

Motivational Ghazals

Best Khamoshi Shayari

More Collections

Tags-Shahr

fasīl-e-shahr pe aks-e-shab-e-ta.assuf hai
najāt-e-ġham kī kiran ḳhema-e-sahar se nikal

charagh-e-shauq jala raat ke asar se nikal

hamāre shahr meñ hotā hai sāneha lekin
ḳhatā kahāñ kī hai ġhussa kahāñ nikaltā hai

yaqin hai jis pe wahi bad-guman nikalta hai

rāstoñ par tīrgī kī ye farāvānī na thī
is se pahle bhī tumhāre shahr meñ aayā thā maiñ

band tha darwaza bhi aur agar mein bhi tanha tha main

sāmān-e-būd-o-bāsh thā jañgal se shahr tak
ham apnā bojh nafs ke ghoḌoñ pe laa.e haiñ

kis burj mein falak ne sitare milae hain

ham sar-phiroñ kā zauq-e-sukūnat na pūchhiye
jab shahr tañg ho ga.e sahrā basā.e haiñ

kis burj mein falak ne sitare milae hain

zalzaloñ ne kar diye
shahr ke makān kam

fikr kam bayan kam

shahr kā shahr jāntā hai mujhe
shahr ke shahr se gila hai mujhe

shahr ka shahr jaanta hai mujhe

na maiñ bilqīs ki ho shahr-e-sabā kī ḳhvāhish
na ġham-e-taḳht-e-sulaimānī meñ baiThā huā huuñ

manzar-e-waqt ki yaksani mein baiTha hua hun

falak hai surḳh magar āftāb kaalā hai
añdherā hai ki tire shahr meñ ujālā hai

falak hai surKH magar aaftab kala hai

DhūñDhte tum ko paḌe phirte the ham shahr-ba-shahr
ḳhvār-o-rusvā-e-sar-e-kūcha-o-bāzār hue

hum hi tanha na teri chashm ke bimar hue

ik tilismī shahr hai ye zindagī
pīchhe muḌ kar dekhnā achchhā nahīñ

jaanib-e-dar dekhna achchha nahin

shahr ke añdhere ko ik charāġh kaafī hai
sau charāġh jalte haiñ ik charāġh jalne se

shahr ke andhere ko ek charagh kafi hai

har ek haath uThā.e hue thā yuuñ patthar
ki jaise shahr meñ koī gunāhgār na thā

sukun na tha magar itna bhi intishaar na tha

amīr-e-shahr ke chehre ke dāġh-dhabbe the
fasīl-e-shahr pe chaspāñ vo ishtihār na thā

sukun na tha magar itna bhi intishaar na tha

na tum mile na tumhārī koī ḳhabar aa.ī
tumhāre shahr meñ din guzrā raat bhī kar lī

baDha jo dard-e-jigar gham se dosti kar li

shahr meñ galiyoñ galiyoñ jis kā charchā hai
vo afsāna terā bhī hai merā bhī

shahr mein galiyon galiyon jis ka charcha hai

āshiqī kī ḳhair ho 'sarvar' ki ab is shahr meñ
vaqt vo aayā hai bande bhī ḳhudā hone lage

aashiqi ki KHair ho sarwar ki ab is shahr mein

yārab is be-hisoñ ke shahr meñ kyuuñ
dil-e-dard-āshnā diyā hai mujhe

sirf karb-e-ana diya hai mujhe

ye hai lamhoñ kā ek shahr-e-azal
yaañ kī har baat nā-gahānī hai

zindagi kya hai ek kahani hai

shahr se bāhar kī vīrānī basānā thī mujhe
apnī tanhā.ī pe kuchh to mehrbāñ honā hī thā

ab ke barish mein to ye kar-e-ziyan hona hi tha