Tags-Shahr

maiñ tire shahr se guzrā huuñ bagūle kī tarah
apnī duniyā meñ magan apne ḳhayālāt meñ gum

ḳhud apne shahr meñ bhī ab to ham kuchh aise haiñ
dayār-e-ġhair meñ jaise ik ajnabī tanhā

ye shahar hai ki numā.ish lagī huī hai koī
jo aadmī bhī milā ban ke ishtihār milā

ghar kā sāmāñ nahīñ vīrāne meñ
shahr meñ ḳhauf-e-makīñ rahtā hai

aise bhī kuchh log mile shahr meñ
jidhar chale saath chalī chāñdnī

sunā sail-e-tamannā meñ hazāroñ shahr-e-dil Duube
magar phir bhī tamannāoñ kī tuġhyānī nahīñ jaatī

'arshad' fasīl-e-zehn meñ baḌhne lagā jo habs
ham shahr-e-dil meñ jā ke zarā tāza-dam hue

hai vaz-e-hāl mirī kyuuñ ye bad se bad-tar aaj
amīr-e-shahr ke badle hue haiñ tevar aaj

fasīl-e-shahr ke andar the kitne ahl-e-hunar
nahīñ hai jin se shanāsā koī bhī bāhar aaj

na jaane kis ko ye e.azāz-e-fan milā hogā
tamām shahr meñ bikhre hue haiñ patthar se

ai zamīñ terī azmatoñ meñ
bah ga.e shahr vāhimoñ ke

tujh se koī filhāl talab hai na tamannā
is shahr meñ jaise tirā honā hī bahut hai

ḳhizāñ ke shahr meñ bas maiñ bahāroñ kī alāmat thā
mire zaḳhmoñ ko sab phūloñ kī nāzuk pattiyāñ samjhe

sabhī ko de rahā thā vo duā jiine kī sadiyoñ tak
hamāre shahr ke sab log us ko bad-zabāñ samjhe

shahr meñ vo jidhar rahegā rasā
shahr saarā udhar rahegā kyā

rusvā.iyoñ ne ghar kī vo sar hī jhukā diyā
yuuñ shahar meñ vo ūñchī imārat nahīñ rahī

jabhī to ḳhud aaj shahr ke gul-ruḳhoñ kī tārīf kar rahe haiñ
vo intiḳhāb-e-nazar ko mere ab āzmānā bhī chāhte haiñ

ham ko us shahr meñ tāmīr kā saudā hai jahāñ
log memār ko chun dete haiñ dīvār ke saath

bhuul kar bhī koī letā nahīñ ab nām-e-vafā
ishq is shahr meñ gardan-zadanī ho jaise

tamām shahr kī āñkhoñ kā māhtāb huā
maiñ jab se us kī nigāhoñ meñ intiḳhāb huā