English
Favourite
Favourite
UrduShayarUrduShayar
Expand menu
Sign inAccount

Tags-Shahr

kuchh aisī TuuT ke shahr-e-junūñ kī yaad aa.ī
duhā.ī dene lagī aaj merī tanhā.ī
Ghazal
 kuchh aisi TuT ke shahr-e-junun ki yaad aai
koī purānā shahr hai jis kā
khultā hai darvāza mujh meñ
Ghazal
 kaisa tara TuTa mujh mein
tū kabhī is shahr se ho kar guzar
rāstoñ ke jaal meñ uljhā huuñ maiñ
Sher
 tu kabhi is shahr se ho kar guzar
yaqīn barsoñ kā imkān kuchh dinoñ kā huuñ
maiñ tere shahr meñ mehmān kuchh dinoñ kā huuñ
Ghazal
 yaqin barson ka imkan kuchh dinon ka hun
ek āvāz sī aatī hai ajab kānoñ meñ
shahr ab der tak ābād nahīñ rah sakte
Ghazal
 is tarah ishq mein barbaad nahin rah sakte
dillī chhuTī thī pahle ab lucknow bhī chhoḌeñ
do shahar the ye apne donoñ tabāh nikle
Sher
 dilli chhuTTi thi pahle ab lucknow bhi chhoDen
kaise ḳhush-tabā haiñ is shahr-e-dil-āzār ke log
mauj-e-ḳhūñ sar se guzar jaatī hai tab pūchhte haiñ
Ghazal
 KHwab-e-derina se ruKHsat ka sabab puchhte hain
ek ham hī to nahīñ haiñ jo uThāte haiñ savāl
jitne haiñ ḳhāk-basar shahr ke sab pūchhte haiñ
Ghazal
 KHwab-e-derina se ruKHsat ka sabab puchhte hain
mere is shahr meñ ik aa.ina aisā hai ki jo
mujh ko us shaḳhs se ojhal nahīñ rahne detā
Ghazal
 koi ehsas mukammal nahin rahne deta
hamārī aañkh kī putlī meñ ashk kī sūrat
chamak rahā hai kisī shahr-e-be-misāl kā dukh
Ghazal
 kahin pe hijr ka dukh hai kahin visal ka dukh
mujh ko jannat ke nazāre bhī nahīñ jachte haiñ
shahr-e-jānāñ hī tasavvur meñ basā hai sāhab
Ghazal
 anjuman mein jo meri itni ziya hai sahab
shahr kī betāb galiyoñ ne ugal Daale haiñ log
kis ne mere shahr meñ murdoñ ko zinda kar diyā
Ghazal
 nind se jagi hui aankhon ko andha kar diya
jam ga.e dīvār-o-dar par gūñjte lafzoñ ke naqsh
ek hañgāme ne saarā shahr gūñgā kar diyā
Ghazal
 nind se jagi hui aankhon ko andha kar diya
koī haath bhī na milā.egā jo gale miloge tapāk se
ye na.e mizāj kā shahr hai zarā fāsle se milā karo
Ghazal
 yunhi be-sabab na phira karo koi sham ghar mein raha karo
hamāre shahr meñ kam-qāmatoñ kī bhiiḌ aisī hai
usī kā qatl ho jaatā hai jis kā sar nikaltā hai
Ghazal
 ghubar-e-tang-zehni surat-e-KHanjar nikalta hai
pūchho to ek ek hai tanhā sulag rahā
dekho to shahr shahr hai mela lagā huā
Sher
 puchho to ek ek hai tanha sulag raha
ruḳhsat ai ham-safaro shahr-e-nigār aa hī gayā
ḳhuld bhī jis pe ho qurbāñ vo dayār aa hī gayā
Nazm
 shahr-e-nigar
zikr hai dard kā ik shahr basā hai mujh se
ab ye jaanā ki merā dard baḌā hai mujh se
Ghazal
 zikr hai dard ka ek shahr basa hai mujhse
bahut ehsāñ hai jo koī bhī milā hai mujh se
shahr kā shahr magar jaise ḳhafā hai mujh se
Ghazal
 zikr hai dard ka ek shahr basa hai mujhse
haath ḳhālī haiñ tire shahr se jaate jaate
jaan hotī to mirī jaan luTāte jaate
Ghazal
 hath Khaali hain tere shahr se jate jate
Top Urdushayar.com