Tags-Shahr

dasht-e-junūñ se aa ga.e shahr-e-ḳhirad meñ ham
dil ko magar ye sāneha achchhā nahīñ lagā

kab tak chhupe raheñge azal ḳhāmushī ke bhed
shahr-e-sadā ke mahram-e-asrār kaun haiñ

meñ to ġharīb-e-shahr-e-suḳhan huuñ magar 'jalīl'
farmāñ-ravā-e-kishvar-e-iz.hār kaun haiñ

chāñdnī aur dhueñ ke sivā duur tak kuchh nahīñ
so ga.ī shahr kī har galī so raho so raho

sahtā hai jo ik habs-e-musalsal kī girānī
hotā hai usī shahr se āñdhī kā guzar bhī

ham log faqat dasht-navardī nahīñ karte
aatā hai hameñ shahr basāne kā hunar bhī

dil jo thā siine meñ bach sakte the kab ahl-e-ḳhirad
shahr meñ ik shor thā dāman jalā dāman jalā

apne zaḳhmoñ kī numā.ish be-hisoñ ke shahr meñ
is dil-e-muztar kī nādānī thī dānā.ī na thī

ab kyā batā.eñ kyā thā ḳhayāloñ ke shahr meñ
basne se pahle vaqt ke hāthoñ ujaḌ gayā

dil vo ātish-kada ki raushan hai
shahr-e-shīrāz o shervān se duur

curfew-zada shahr kī
beva saḌkeñ

dil se ga.ī na masnad o asnād kī havas
paiham tavāf-e-shahr-e-hunar kar liyā to kyā

shāyad udāsiyoñ pe taras aa gayā mirī
kal raat shahr-e-jāñ meñ farishte utar ga.e

ai qātiloñ ke shahr bas itnī hī arz hai
maiñ huuñ na qatl koī tamāshā kiye baġhair

murshid ke jhuuT kī to sazā be-hisāb hai
tum chhoḌiyo na shahr ko sahrā kiye baġhair

dasht-e-vahshat meñ ba-juz-reg-e-ravāñ koī nahīñ
aaj kal shahr meñ hai lāla-e-sahrā.ī bhī

jis se ta.abīr kī ik iiñT uThā.ī na ga.ī
ḳhvāb ke shahr kī buniyād banā phirtā hai

ab ke sāvan meñ sharārat ye mire saath huī
merā ghar chhoḌ ke kul shahr meñ barsāt huī

hai shahr-e-ulfat meñ qadġhanoñ se ajiib ḳhauf-o-hirās rahnā
ḳhizāñ ke aane pe yaas chhā.e bahār ho to pur-ās rahnā

sunā thā shahr meñ har sū tumhārā charchā hai
yahāñ to koī 'nafas' tum ko jāntā bhī nahīñ