Tags-Shahr

Thahrā thā aa ke ek musāfir kabhī yahāñ
phir shahr-e-tan ko aag lagā kar chalā gayā

dopahar umr kī saa.e meñ mirī jis ke Dhalī
vo ghanā peḌ bhī is shahr ke ashjār meñ thā

yahāñ jis ko bhī dekho zo.am meñ hai
hamāre shahr ko āḳhir huā kyā

ye ajab sā.at-e-ruḳhsat hai ki Dar lagtā hai
shahr kā shahr mujhe raḳht-e-safar lagtā hai

jis pe chalte hue sochā thā ki lauT ā.ūñgā
ab vo rasta bhī mujhe shahr-badar lagtā hai

basīt hone lagī shahr-e-jāñ pe tārīkī
khulā huā hai kahīñ par sharāb-ḳhāna kyā

hādsoñ ke shahr meñ ik hādsa ye bhī huā
ek shīsha aa gayā hai pattharoñ ke darmiyāñ

pūchhnā kyā shahr-e-sañg-o-ḳhisht se
rañg badlā hai zamāne kī misāl

āḳhir-e-shab duur kohsāroñ se barfānī havā
shahr meñ aa.ī mire kamre meñ aa kar so ga.ī

ye us ke harf haiñ āvārgān-e-shahr-e-suḳhan
mire ḳhayāl ne us ko zamīñ atā kar dī

shahr-e-suḳhan kā tarz-e-tijārat ajiib hai
bikte haiñ fikr-o-fan bhī to miTTī ke bhaav par

hāl-e-dil to khul chukā is shahr meñ har shaḳhs par
haañ magar is shahr meñ ik be-ḳhabar bhī dekhnā

saaya bhī yahāñ duur zarā ham se chalegā
ye shahr hī aisā hai ki anjān raheñge

sun ḳhū-e-tarab shahr-e-nigārāñ kī taraf jā
ham ahl-e-junūñ sū-e-bayābān raheñge

ārzūoñ ke dhaḌakte shahr jal kar rah ga.e
kaise kaise hashr ḳhāmoshī meñ Dhal kar rah ga.e

Dhab se pyaar kiyā hai ham ne us ke naam pe chup na hue
shahr ke izzat-dāroñ meñ kuchh apnī izzat kam na huī

jin ne ujāḌī dil kī khetī un kī zamīneñ ḳhatm huiiñ
ham to ra.iis the shahr-e-vafā ke apnī riyāsat kam na huī

tumhāre sāmne kaise zabāñ ko jumbish deñ
tumhāre shahr meñ sach bolnā bhī gaalī hai

shahr is tarah bayābāñ meñ girā hai jaise
vaqt ke paañv se zanjīr nikal aa.ī hai

ab jo tū shahr-e-nigārāñ meñ qadam rakkhegā
har taraf khilte chale jā.eñge chehroñ ke gulāb