Tags-Shahr

ghar se niklo na badal kar chehre
shahr meñ ā.īna-ḳhāne haiñ bahut

ghar to hamārā sho.aloñ ke narġhe meñ aa gayā
lekin tamām shahr ujāle meñ aa gayā

amīr-e-shahr ke afv-o-karam ko kyā kahiye
khule vo log ki ḳhauf-e-salīb-o-dār gayā

kisī ne chaap bhī jaate hue na us kī sunī
jo shaḳhs barsoñ tire shahr meñ guzār gayā

tamām shahr giraftār hai aziyyat meñ
kise kahūñ mire ahbāb kī ḳhabar rakkhe

ġhurbat ne mere shahr kā naqsha badal diyā
ġhairat ko zinda rahne kī chāhat nigal ga.ī

yahāñ muqīm haiñ vīrāniyāñ rag-o-pai meñ
tum aur kuchh bhī kaho us ko shahr-e-jāñ na kaho

mujh se shikasta-pā se hai shahr kī tere aabrū
chhoḌ ga.e mire qadam naqsh-e-kamāl har taraf

kise DhūñDte ho nagar nagar kise shahr shahr ho pūchhte
tumheñ shams' jis kī talāsh hai vo nigāh-e-ā.ina gir ga.ī

butān-e-shahr ko ye e'tirāf ho ki na ho
zabān-e-ishq kī sab guftugū samajhte haiñ

jo lahūluhān kiye ga.e sar-e-rah jo maar diye ga.e
vo shaġhāl to na the dasht ke mire shahr hī ke ġhazāl the

tumhāre baad to har ik qadam hai ban-bās
hamārā shahr ke logoñ meñ kab shumār huā

kisī bhī shahr meñ jaao kahīñ qayām karo
koī fazā koī manzar kisī ke naam karo

duā salām zarūrī hai shahr vāloñ se
magar akele meñ apnā bhī ehtirām karo

lailā se jo milā thā vo patthar liye hue
'jāñbāz' apne shahr se bāhar chalā gayā

ye jo phūloñ se bharā shahr huā kartā thā
us ke manzar haiñ dil-āzār kahīñ aur chaleñ

band fasīleñ shahr kī toḌeñ zaat kī girheñ kholeñ
bargad nīche nadī kināre baiTh kahānī boleñ

barūn-e-ḳhāk faqat chand Thekre haiñ magar
yahāñ se shahr mileñge agar khudā.ī huī

mirī gum-nāmiyāñ mash.hūr hoñgī
tumhārā shahr balvā.ī bahut hai

mujh se ḳhatā huī thī ki aisī mirā ḳhudā
nārāz ho ke shahr se bāhar chalā gayā