Tags-Shahr

kisī se ḳhush hai kisī se ḳhafā ḳhafā sā hai
vo shahr meñ abhī shāyad nayā nayā sā hai

sulagtā shahr nadī ḳhuun kab kī bāteñ haiñ
kahīñ kahīñ se ye qissa sunā sunā sā hai

huī haiñ dair-o-haram meñ ye sāzisheñ kaisī
dhuāñ sā uThne lagā shahr ke makānoñ se

pūchhte jis se apnā naam aisī
shahr meñ ek to galī hotī

vo to raushan qumqumoñ ke shahr meñ mahsūr thā
saḳht hairat hai ki aisā aadmī kyuuñ kar bujhā

ḳhud apnā aks huuñ ki kisī kī sadā huuñ maiñ
yuuñ shahr tā-ba-shahr jo bikhrā huā huuñ maiñ

nasheb-e-shahr thā yuuñ roz-afzūñ
miyān-e-shahr ziina ban rahā thā

qāzī-ul-hājāt se ik ahd bāñdhā thā to kyā
ab faqīh-e-shahr se ahd-e-mukarrar bāñdh lo

ai ahl-e-shahr uThāo na itne ūñche makāñ
shab-e-firāq kise rāsta pukāregā

ba-faiz-e-bār-e-malāmat jhukī kamar merī
harā shajar thā magar shahr-e-be-samar meñ thā

vahī na ho ki ye sab log saañs lene lageñ
amīr-e-shahr koī aur ḳhauf taarī kar

apnī āñkhoñ se lagātī haiñ zamāne ke qadam
shahar kī rāh-guzāroñ meñ mirī ḳhū aa.ī

umr-bhar shahr-e-nigārāñ meñ vafā ko tarse
apnī nā-karda gunāhī kī sazā lī ham ne

jab diloñ meñ daaġh chamakte the
jab palkeñ shahr ke rastoñ meñ

ajab shahr-e-anā meñ jī rahā huuñ
kisī ke paas ā.īnā nahīñ hai

shahr ke me.aar se maiñ jo bhī huuñ jaisā bhī huuñ
apnī hastī se tirī tauqīr honā hai mujhe

vaqt hākim hai kisī roz dilā hī degā
dil ke sailāb-zada shahr pe qabza mujh ko

ai shahr-e-alam mirī baat to sun tū ḳhvāb mire vāpas kar de
maiñ terā karam lauTā dūñgā tū ne mirā chehra chhīn liyā

maiñ nauhagarī tak bhuul gayā mire log jale mire shahr luTe
is shahr-e-ma.īshat ne mujh se ehsās kā dariyā chhīn liyā

bhiiḌ ke ḳhauf se phir ghar kī taraf lauT aayā
ghar se jab shahr meñ tanhā.ī ke Dar se niklā