Tags-Shahr

māh-e-nau dekhne tum chhat pe na jaanā hargiz
shahr meñ eid kī tārīḳh badal jā.egī

ūñchī ūñchī imāratoñ meñ mere hisse kā āsmān lāpata
masrūf se is shahr meñ jism to haiñ insān lāpata

mire qabīle meñ kyā shahr bhar se mil dekho
koī bhī tiir nahīñ detā be-kamānoñ ko

agarche shahr meñ bikhrī hai jā-ba-jā phir bhī
'shujā.a' apne liye ghar meñ paal tanhā.ī

raat kis kis ke uḌe haiñ purze
shahr meñ kyā hai ḳhabar jānte haiñ

ḳhuub honī hai ab is shahr meñ rusvā.ī mirī
beach bāzār ubhar aa.ī hai tanhā.ī mirī

nāla-e-shab-gīr thā be-kaif 'rāhī' is qadar
us ke sannāToñ se saarā shahr suunā ho gayā

phir shahr-e-dostāñ kī taraf gāmzan huuñ maiñ
go jāntā huuñ shahr meñ ḳhatra hai jaan kā

shahr-e-bīmār ke har kūcha o baam o dar par
ham bhī marte the ki jab ḳhalq-e-ḳhudā zinda thī

raunaq-e-shahr kabhī raas nahīñ aa.ī 'zakī'
dil ko bahlā ke mazāfāt meñ rakkhā huā hai

vo kaun thā vo kaun thā
tilism-e-shahr-e-ārzū jo toḌ kar chalā gayā

qabīle vaalo uTho! aur apnā bachāv kar lo, ki maiñ ne kal shab
fasīl-e-shahr-e-amāñ ke bāhar naqab-zanoñ ke giroh dekhe

aaj hamāre qadmoñ meñ hai kāhkashāñ shahr-e-mahtāb
kal tak log kahā karte the ḳhvāb use dīvāne kā

tamām raat nahāyā thā shahr bārish meñ
vo rañg utar hī ga.e jo utarne vaale the

maiñ raunaqoñ se shahr kī māyūs jab huā
ahl-e-ḳhirad ne mujh se kahā dil nahīñ lagā

shahr-e-dil kuchh to sajā leñ ki bharam rah jaa.e
husn-e-fāteh ko haiñ tārāj ke armāñ kuchh aur

shahr se phir koī vahshī idhar aayā shāyad
aaj sahrā meñ haiñ andāz-e-ġhazālāñ kuchh aur

ek be-nām sī dīvār hai bāhar mere
kaun jaane jo nayā shahr hai andar mere

tajraba kar le mire shahr kī sarhad pe ġhanīm
lauh-e-maidān mirā harf haiñ lashkar mere

vo jagmagātā huā shahr merī āñkhoñ meñ
tamām raat laraztā hai