Tags-Shajar

fursat jo ho to khul ke baras merī ḳhaak par
ban jā.ūñ maiñ bhī ek shajar sāya-dār sā

sāya-e-ablaq-e-shajar ghaat meñ chashm-e-nīm-vā
paañv jahāñ the jam ga.e hosh-e-farār kis ko thā

sāya-e-har-shajar meñ thā reñgte lamhoñ kā hujūm
ḳhaam ḳhayāl-e-gardish-e-lail-o-nahār kis ko thā

dushman se kyā bachā.eñgī ye jhāḌiyāñ mujhe
bachte nahīñ yahāñ to payambar shajar ke biich

kuchh to bhugtā ga.e nā-karda gunāhoñ kī sazā
zad pe āñdhī ke haiñ kuchh aur shajar ab ke baras

ḳhūn-e-jigar shāmil hai merā is gulzār kī raunaq meñ
sehn-e-chaman se barg o shajar tak ek kahānī biich meñ hai

kaḌī ho dhuup to do phuul pyaar ke hañs kar
tapsīda rāhoñ meñ shāḳh-e-shajar banāte haiñ

ab ham ko shafqatoñ kī ghanī chhāñv kyā mile
jitne the sāya-dār shajar saare kaT ga.e

ham amaañ paate the jis ke saa.e meñ
vo shajar ab dhuup kī tasvīr hai

falak tamām hai āġhosh-e-bāb-e-mahrūmī
shajar shajar yahāñ dast-e-duā hai mere liye

nayā husn dekhtā huuñ ḳham-e-shāḳh-e-har-shajar par
ye bahār apne tan se jo libās utārtī hai

ghane ho ga.e ziyāda jahāñ chāñdnī ke saa.e
usī dāman-e-shajar meñ vo mujhe pukārtī hai

haiñ shāḳh shāḳh pareshāñ tamām ghar mere
kaTe paḌe haiñ baḌī duur tak shajar mere

chaman meñ yār-e-sharar-bār kī ḳhudā.ī meñ
shajar milā thā na koī samar milā thā mujhe

ik havā-e-be-takāñ se āḳhirash murjhā gayā
zindagī bhar jo mohabbat ke shajar botā rahā

kisī ne din meñ tamām chhāñv utaar lī hai
ye barg o gul to yūñhī shajar se bañdhe hue haiñ

āñgan meñ ik shajar hai
dālān meñ havā.eñ

dīvār hai gum-sum dar tanhā phir hote chale haiñ shajar tanhā
kuchh dhuup sī Dhaltī jaatī hai kuchh saa.e utarte jaate haiñ

ik ghanā sā shajar mire baazū
har parinde kā ghar mire baazū

ek neze pe lagāne haiñ ka.ī meva-e-sar
ek Tahnī ko samar-dār shajar karnā hai