Tags-Shama

ai shama-e-firāq bujh chukī shab
ai sā.at-e-vasl so ga.e ham

hai tujh meñ bhī to 'jahāñdār' us kī sham.a kā nuur
jo dekhe ḳhashm se to barq kar hazar aave

sarkashī hī hai jo dikhlātī hai is majlis meñ daaġh
ho sake to sham.a saañ diije rag-e-gardan jalā

kyā kyā na dāġh-e-hasrat sab dil hī dil meñ khāveñ
majlis meñ gul-ruḳhoñ kī aave vo sham.a-rū jo

misāl-e-sham.a jalā huuñ dhuāñ sā bikhrā huuñ
maiñ intizār kī har kaifiyat se guzrā huuñ

garmī ahl-e-bazm se mat kar ki maiñ hotā huuñ daaġh
sham.a kī ḳhidmat meñ hai itnī hī parvāne kī arz

niklā huuñ terī bazm se mānind-e-dūd-e-sham.a
chāhūñ bhī ab kabhī to maiñ vāpas na aa sukūñ

kiye us ne bazm meñ sho.abde malī mehñdī haath pe sham.a ke
jo patañge raat ko jal ga.e vo tamām murġh-e-hinā hue

nahīñ juz sham.a mujāvir mirī bālīn-e-mazār
nahīñ juz kasrat-e-parvāna ziyārat vaale

kyuuñ tīrgī se is qadar mānūs huuñ 'zafar'
ik sham-e-rah-guzār ki sahar tak jalī bhī hai

kyā rañg the lahrā.e the jo rāh-ravī meñ
kyā nuur thā jo sham-e-hidāyat meñ nahīñ thā

ai shab-e-tār ke nigahbāno
sham-e-ahd-e-ziyāñ ke parvāno

saaqī o sharāb o jaam o paimāna kyā
sham.a o gul o andalīb o parvāna kyā

phuul ke gird phiro baaġh meñ mānind-e-nasīm
misl-e-parvāna kisī sham-e-tapāñ tak aao

aan kar ġham-kada-e-dahr meñ jo baiThe ham
sham.a saañ apne ta.iiñ aap hī ro baiThe ham

bas yahī mausam thā aisā hī samāñ thā yaad hogā
tāq-e-jāñ meñ sham.a ik raushan huī aur bujh gayā maiñ

ma.āz-allāh terā husn terī bazm-e-ishrat meñ
ye vo mahfil hai jis meñ sham.a ko parvāna kahte haiñ

fanā hone meñ soz-e-sham.a kī minnat-kashī kaisī
jale jo aag meñ apnī use parvāna kahte haiñ

ho sham.a to batā.e ki jalte haiñ kis tarah
jugnū bhī mar ga.e hoñ to parvāna kyā kare

chaman kī jashn-gāh meñ udāsiyāñ bhī kam na thiiñ
jalī jo koī sham-e-gul kalī kā dil bujhā ga.ī