Tags-Shama

gaah jaltī huī gaah bujhtī huī
sham-e-ġham jhilmilātī rahī raat bhar

ik muntazir-e-va.ada kī sham.a jalī hogī
sūraj ke nikalne se kyā raat Dhalī hogī

pūchh mat mujh se hai kaisī lazzat-e-soz-e-darūñ
jāñ-gudāzī hai mirī sham-e-farozāñ kī tarah

vo tīra-baḳht huuñ ki 'hasan' merī bazm meñ
dāġh-e-siyah charāġh hai aur duud āh-e-sham.a

dayār-e-jāñ meñ farozāñ rahegī sham-e-hayāt
samajh liyā tirī āñkhoñ ne mudda.ā merā

hāthoñ kī oT de ke jalā liiñ hatheliyāñ
ai sham.a tujh ko ham ne machalne nahīñ diyā

charāġh-e-dard ki sham-e-tarab pukārtī hai
ik aag sī lab-e-dariyā-e-shab pukārtī hai

hijr kī raat meñ sham-e-shabistāñ had se baḌh kar raushan thī
is hañgām meñ dil bhī jalā ho aisā bhī ho saktā hai

raat majlis meñ tire husn ke sho.ale ke huzūr
sham.a ke muñh pe jo dekhā to kahīñ nuur na thā

sar-rishta-e-vafā se kyā sham.a-rū haiñ vāqif
ham ne patañg un se milnā uḌā diyā hai

munfa.il haiñ laala o sham.a o charāġh
ham ne bhī kyā āshiqī meñ khaa.e daaġh

tūfān-e-tīrgī thā bahut dahshat-āfrīñ
himmat baḌhī hai sham-e-ruḳh-e-yār dekh kar

shaam gul hotī chalī jaatī hai rafta rafta
sham-e-gul jaltī nahīñ gulshan-e-dīdār meñ ab

jab havā ke naam pahuñchā āmad-e-shab kā payām
ek jhoñkā chal diyā sham-e-farozāñ kī taraf

dil-jalā maiñ huuñ vo āshiq ki shab-e-hijr 'qalaq'
sham.a bhī rone lagī dekh garebāñ mujh ko

mere zulmat-kade meñ laa.eñ jo raushan kar ke
kirm-e-shab aa.e nazar sham-e-shabistāñ mujh ko

sozish-e-dil se ye parvāne kī sūrat taḌpā
dekh kar rone lagī sham-e-shabistāñ mujh ko

tiin sau saal se haiñ hind ke mai-ḳhāne band
ab munāsib hai tirā faiz ho aam ai saaqī

paatī nahīñ faroġh ba-juz soz-o-sāz-e-ishq
sham-e-hayāt dar-ḳhur-e-mahfil kaheñ jise