Tags-Shama

jaisī apnī ain hai utnī hī apnī dauḌ-dhūp
qais mahmil kī taraf ham sham-e-mahfil kī taraf

'rasā' hājat nahīñ kuchh raushnī kī kunj-e-marqad meñ
bajā.e-sham.a yaañ dāġh-e-jigar har vaqt jalte haiñ

kar diyā soz-e-darūñ ne mujhe sham.a sar-e-bazm
ban ga.ī dam pe agar paas havā bhī aa.ī

shāyad usī ke dam se hai qaa.em ummīd-e-zīst
ik jāñ-faroz sham-e-farozāñ nazar meñ hai

par-e-parvāz bane ḳhud sharar-e-sham.a kabhī
sharar-e-sham.a bane par kabhī parvānoñ ke

nahīñ gintī maiñ magar bazm-e-suḳhan hai raushan
aaj maiñ sham.a huuñ majme.a meñ suḳhan-dānoñ ke

kuchh is andāz se aa baiThe haiñ vo sham.a ke paas
dekh kar duur se par jalte haiñ parvānoñ ke

soz-e-dil kah rahī hai mahfil meñ
sham.a merī zabān hai goyā

na tai huī tirī sham-e-jamāl se bhī jo raah
vahīñ pe merā junūñ rāsta dikhātā hai

dil rashk-e-adū se hai sipand-e-sar-e-ātish
ye sham.a tirī bazm meñ jaltī hī rahegī

sham.a-rū maiñ ne kahā thā mirī zid se us ne
sham.a ko bazm meñ apne kabhī jalne na diyā

na pūchho sham.a se taklīf-e-hastī
ki shab-bhar meñ hazāroñ sar nahīñ haiñ

huī hai bā.is-e-tuġhyān-e-ishq garmi-e-husn
jale na sham.a to kyuuñ ghir ke aa.eñ parvāne

parvānoñ kā to hashr jo honā thā ho chukā
guzrī hai raat sham.a pe kyā dekhte chaleñ

chuuñ sham-e-sozāñ chuuñ zarra hairāñ ze mehr-e-āñ-mah bagashtam āḳhir
na niiñd naināñ na añg chaināñ na aap aave na bheje patiyāñ

zālim idhar kī sudh le juuñ sham-e-sub.h-gāhī
ek aadh dam kā āshiq mehmān ho rahā hai

sham.a kī tarah pighalte rahiye
apnī hī aag meñ jalte rahiye

hai 'nāz' kā har sher ḳhud ik sham-e-farozāñ
ye baat alag hai ki vo mash.hūr nahīñ hai

tumhārī jalva-gāh-e-nāz meñ andher hī kab thā
ye muusā dauḌ kar kis ko dikhāne sham.a tuur aa.e

pichhle pahar jo sham.a ne khīñchī ik āh-e-sard
chehre kā un ke rañg badaltā chalā gayā