Tags-Shama

jal ke āshiq hue ma.ashūq sifat
sham.a kā soz hai parvāne meñ

rah ga.ī tanhā ye ashk-afshāñ hamāre haal par
ġham-gusārī apnī bhī ik sham-e-turbat ho to ho

mauj-o-havā kī samt na dekh
jaltī rahegī sham-e-hayāt

husn-e-faroġh-e-shamma-e-suḳhan duur hai 'asad'
pahle Dil-e-gudāḳhta paidā kare koī

ye dil kī aag bujhī hai ki sham-e-jāñ huī gul
jo 'mīr' parda-e-shab ko dhuāñ samajhtā hai

sham-e-tanhā kī tarah sub.h ke taare jaise
shahr meñ ek hī do hoñge hamāre jaise

kare hai shola-e-sham-e-sahar sā lab pe mire
ai āftāb-laqā ḳhush ho jān-e-mahzūñ raqs

tavāf-e-soḳhta-e-ishq dekh le ai sham.a
kare hai jalne se aage patañg-e-maftūñ raqs

jalva-gāhoñ meñ abhī sham-e-yaqīñ jalne do
kyā ajab hai jo koī tālib-e-dīdār aa.e

nigāhoñ meñ sham-e-tamannā jalā kar takī hoñgī tum ne bhī rāheñ kisī kī
kisī ne to va.ada kiyā hogā tum se kisī ne to tum ko rulāyā to hogā

ḳhabar kyā thī ki terī kaj-adā.ī se but-e-rā.anā
bisān-e-sham.a ro kar aarzū mahfil se niklegī

rañg-e-gul-e-shagufta huuñ āb-e-ruḳh-e-chaman huuñ maiñ
sham-e-haram charāġh-e-dair qashqa-e-barahman huuñ maiñ

sham.a jalāne aa.e haiñ aaj vo merī qabr par
chalnā ḳhudā ke vāste bād-e-sabā alag alag

koī samjhe ki na samjhe magar ai sham-e-haram
maiñ tujhe shola-e-ruḳhsār-e-butāñ kahtā huuñ

rahā thā sham.a se majlis meñ dosh kitnā farq
ki jal bujhe the ye ham par patañg thā aage

zabān-e-sham-e-mahfil se sunā hai ahl-e-mahfil ne
tirā anjām kyā parvāna-e-ātish-ba-jāñ hogā

taḳhta-e-lāla kī har sham-e-farozāñ jaane
kis bhulāve meñ mujhe dekh ke lahrā.ī hai

haiñ 'adam' ke zikr par kyoñ aap itne pur-ġhazab
sham.a ke hamrāh aa jaatā hai parvāne kā naam

hamāre soz-e-dil se nuur barsātī haiñ vo āñkheñ
ham apnī sham.a tāq-e-abru-e-jānāñ meñ rakhte haiñ

bul-havas ko sham.a se dil bāñdhnā mumkin nahīñ
āshiqāñ kā is sabab zāhid sadā aġhmāz hai