Tags-Shama

bujh ga.ī sham-e-junūñ luT ga.ī bazm-e-yārāñ
ahl-e-dil sozish-e-jāñ hotī hai kyā bhuul ga.e

bahut sambhāl ke rakkhī hai ḳhalvat-e-jāñ meñ
vo ek sham.a ki daur-e-tarab bujhā na sakā

dāġh-e-dil ko raushan kar ġham kī raat hai lambī
sham.a kā bharosa kyā mah bhī bevafā sī hai

nazroñ meñ tasādum dil meñ chubhan ik sham.a hai ik parvāna hai
donoñ hī meñ bāteñ hotī haiñ āvāz kā lekin naam nahīñ

bujhne lagtā hai kisī sham.a ke mānind vajūd
jab tirī yaad havāoñ ke bahāne guzre

jo bujhī sham-e-dil to baḌhī raushnī jo piyā zahr-e-ġham to baḌhī zindagī
ye tū hī ab batā zarā munsifī ye tirā kaam thā ki mirā kaam thā

misāl-e-sham.a haiñ sab rāt-bhar ke ye jalve
sahar ko uThnā hai is mahfil-e-jahāñ se hameñ

diloñ meñ un ke hai nūr-e-īmāñ qavī nahīñ hai magar nigahbāñ
havā-e-mantiq adā-e-tiflī ye sham.a aisā na ho bujhā de

sham-e-zarrīñ kī narm lau ai dost
jab añdhere meñ jagmagātī hai

naqāb-e-shab meñ chhup kar kis kī yaad aa.ī samajhte haiñ
ishāre ham tire ai sham-e-tanhā.ī samajhte haiñ

bujh ga.ī kuchh is tarah sham-e-'salām'
jaise ik bīmār achchhā ho gayā

ye koī zid hai ki hai rasm-e-āshiqī hī yahī
havā ke ruḳh pe jo sham-e-vafā jalā.ī hai

vo kaun hai ki jalātā hai dil meñ sham-e-umīd
phir apne haath se us ko bujhā bhī detā hai

nihāl-e-sham.a meñ kyā ḳhushnumā ik phuul aayā thā
sitam Dhāyā nasīm-e-sub.h ne bād-e-ḳhizāñ ho kar

huuñ maiñ vo sham.a sar-e-tāq jalā kar sar-e-shām
bhuul jaatā hai mirā anjuman-ārā mujh ko

mere qisse pe vahī raushnī Daale shāyad
sham-e-kam-māya jo bujhtī hai sahar se pahle

ilāhī jaise ham us sham-e-anjuman se mile
isī tarah se har ik apne gul-badan se mile