Tags-Shama

us ke faroġh-e-husn se jhamke hai sab meñ nuur
sham-e-haram ho yā ho diyā somnāt kā

sham.a ke sho.ale pe mauqūf us kā jal jaanā nahīñ
'mus.hafī' jis jā ho āshiq hai patiñgā aag kā

ik sham.a anjuman meñ jalātī rahī huuñ maiñ
jal jal ke diip ḳhud hī banātī rahī huuñ maiñ

abhī kyā sard qātil ye shahīd-e-tufta-jāñ hotā
koī dam sham-e-murda meñ bhī hai baaqī dhuāñ hotā

us ko mahfil meñ jo dekhā tapish-e-ġham kā sharīk
le liyā sham.a ne āġhosh meñ parvāne ko

kis qadar tiira o tārīk hai duniyā-e-hayāt
jalva-e-husn se ik sham.a jalā de aa kar

siina saafī suuñ misl-e-darpan kar
sham-e-fānūs dil kī raushan kar

us husn kā shaidā huuñ us husn kā dīvāna
har gul hai jahāñ bulbul har sham.a hai parvāna

bujh ga.ī sham.a parvāne ruḳhsat hue
luT gayā shauq kā kārvāñ dekhiye

hāl-e-dil misl-e-sham.a raushan hai
go mujhe baat kar nahīñ aatī

sham.a saañ sar na kaTe us kā ye imkān nahīñ
bazm-e-ḳhūbāñ meñ jo bā-dīda-e-tar jaa.e koī

manzil-e-ishq-o-fanā karnī hai tai sar-tā-ba-sar
sham.a ke mānind jal bujhne kī hai merī salāh

umr bhar mujh ko jalā ke sham-o-gul kyuuñ laa.e ab
dāġh-e-dil kī raushnī kyā mere madfan meñ nahīñ

mānind-e-shama.a-majlis shab ashk-bār paayā
al-qissa 'mīr' ko ham be-iḳhtiyār paayā

vo tīrgī hai rah-e-butāñ meñ charāġh-e-ruḳh hai na sham-e-vāda
kiran koī aarzū kī laao ki sab dar-o-bām bujh ga.e haiñ

sham.a kī lau ne ab sar ko jhukāyā aisā
jalte rahnā bhī mirā merī ḳhatā ho jaise

sham.a kī lau ne jab āḳhirī saañs lī
āḳhir-e-shab

vaqt kī mehrāb meñ ik sham-e-nau raushan kareñ
rāzdān-e-ārzū ham vāris-e-āfāt haiñ

shab faroġh-e-bazm kā baa.is huā thā husn-e-dost
sham.a kā jalva ġhubār-e-dīda-e-parvāna thā

sunā kar qissa-e-parvāna-o-sham.a
hamāre dil ko vo garmā rahe haiñ