Tags-Shama

ruḳh-e-raushan ke aage sham.a rakh kar vo ye kahte haiñ
udhar jaatā hai dekheñ yā idhar parvāna aatā hai

sham.a-rū āshiq ko apne yuuñ jalānā chāhiye
kuchh hañsānā chāhiye aur kuchh rulānā chāhiye

nihāñ agarche hai mahfil se soz-e-dil merā
magar ye raaz hai ma.alūm sham-e-mahfil ko

ab balā se ho charāġh-e-dair yā sham-e-haram
qasd jal kar ḳhaak ho jaane kā parvāne meñ hai

shab-e-hijrāñ meñ ai 'sirāj' mujhe
ashk hai sham.a aur palak gul-gīr

mirā dil hai siine meñ raushnī isī raushnī pe madār hai
maiñ musāfir-e-rah-e-ishq huuñ to ye sham.a rāh-guzār hai

aaj kuchh yuuñ shab-e-tanhā.ī kā afsāna chale
raushnī sham.a se dil dard se begāna chale

parvāne kī shab kī shaam huuñ maiñ
yā roz kī sham.a kī sahar huuñ

kyā sham.a ke nahīñ haiñ havā-ḳhvāh bazm meñ
ho ġham hī jāñ-gudāz to ġham-ḳhvār kyā kareñ

kyā hai insāf ki juuñ sub.h tū hañstā hai hanūz
mar chukā sham.a sā maiñ girya hī karte karte

sham-e-mahfil kā baqiyyā hai faroġh-e-ummīd
shaam se jis kā ye aalam ho sahar kyā legā

is bazm meñ paate nahīñ dil-soz kisī ko
yaañ sham.a hamārī hai na parvāna hamārā

aayā hai vo mah bujhā bhī do sham.a
parvānoñ ko bazm se nikālo

Dol jaa.e na tire Dolne se partav-e-nūr
tere hamrāh ka.ī sham.a-kade jhūmte haiñ

go kaTe sar ki soz-e-dil joñ sham.a
ab to merī zabān se niklā

miTtī huī hayāt kyā luTtī huī bahār kyā
ya.anī qarīb-e-sub.h-e-ġham sham.a kā e'tibār kyā

dūd-e-ātish kī tarah yaañ se na Tal jā.ūñgā
sham.a-sāñ mahfil-e-jānāñ hī meñ jal jā.ūñgā

dil kā ik ik daaġh sham-e-zer-e-dāmāñ ho gayā
ham jahāñ pahuñche vahīñ jashn-e-charāġhāñ ho gayā