Tags-Shama

ghaTā sham.a saañ kyuuñ na jā.ūñ chalā
tab-e-ġham jigar ko mire khā ga.ī

dil meñ mire utar ga.ī sahn-e-makāñ kī tīrgī
bujh ga.ī sham.a taaq par raat bahut guzar ga.ī

ba.ad murdan to huā soz-e-mohabbat paidā
vo mirī qabr pe haiñ sham.a jalāne vaale

raushan shabāb meñ jo huī sham-e-rū-e-yār
dūd-e-charāġh husn-e-ḳhat-e-ambarīñ huā

raushan huā ye mujh pe ki fānūs meñ hai sham.a
haath us kā jalvagar jo tah-e-āstīñ huā

jalūñ sham.a-sāñ garmī-e-ishq se
dam-e-sard merā jo be-dam na ho

lipaT kar sham.a kī lau se lagī dil kī bujhāte haiñ
parā.ī aag meñ jalne ko parvāne nahīñ aate

rakhtā huuñ is liye dil-e-sozāñ o chashm-e-tar
jiyūñ sham.a dard-e-dāġh se ishq-āfrīda huuñ

sham.a ke mānind ahl-e-anjuman se be-niyāz
aksar apnī aag meñ chup chaap jal jaate haiñ log

raat bhar jāgne vāloñ ne pas-e-sham.a-e-zard
sub.h ik ḳhvāb kī sūrat kī tarah dekhī thī

āshiq banā ke ham ko jalāte haiñ sham.a-rū
parvāna chāhiye unheñ parvāna chāhiye

ushshāq-e-sham.a-e-husn ko kyā kyā na chāhiye
parvāz-e-rañg ko par-e-parvāna chāhiye

nishān-e-shama-e-mahfil hai na ḳhāk-e-ahl-e-mahfil hai
sahar ab pūchhtī hai raat parvānoñ pe kyā guzrī

dil aur sham.a donoñ barābar haiñ soḳhta
uThtā hai kis jagah se dhuāñ dekhte raho

nūr-e-vajūd aur agar hausla kare
sham-e-hayāt jal ke bhī kuchh lau diyā kare

āfrīñ sad āfrīñ ye himmat zauq-e-talab
sham.a ke jalte hī jal marne ko parvāna chalā

sham.a kal jaltī rahī hai der tak is soch meñ
kuchh añdhere be-zabāñ haiñ vo batā kaise miTeñ

maiñ DhūñDh rahā huuñ mirī vo sham.a kahāñ hai
jo bazm kī har chiiz ko parvāna banā de

bazm-e-ḳhūbāñ meñ ye sar go kaTe rone pe mirā
sham.a-sāñ ashk par āñkhoñ se bahā rahtā huuñ

'sirāj' is sho.ala-rū siiñ hargiz gila ravā niiñ hai āshiqoñ kuuñ
tamām jaltī hai sham.a har shab abas patiñgoñ kā naam haigā