Tags-Shama

bujh ga.ī kuchh is tarah sham-e-'salām'
jaise ik bīmār achchhā ho gayā

huī fānūs gardūñ ke siyah kājal suuñ sar-tā-pā
shab-e-hijrāñ meñ terī sham.a ho yaañ lag jalī añkhiyāñ

dil-e-parvāna pe kyā guzregī
jab talak dhuup bujhe sham.a jale

sham-e-bīnā.ī muñDeroñ kā safar kartī rahī
dil uḌātā rahā āñkhoñ meñ basā.ī huī ret

un ke baġhair dil kā ye aalam hai ab 'suman'
bujhtī huī huuñ sham.a maiñ jaise mazār kī

sham.a par sham.a jalātī huī saath aatī hai
raat aatī hai ki yādoñ kī barāt aatī hai

anjuman ko faiz pahuñchā.egī sham-e-anjuman
kyā hasīñ hotī hai umr muḳhtasar dekheñge log

chuuñ sham-e-sozāñ chuuñ zarra hairāñ z mehr-e-āñ-mah bagashtam āḳhir
na niiñd naināñ na añg chaināñ na aap aave na bheje patiyāñ

sabā ye kab jalan hotī jo shām-e-hijr gul hotī
tapāñcha sham.a ko vaqt-e-sahar maarā to kyā maarā

sham-e-marqad tujh se shikva hai mujhe
mere ghar meñ bhī añdherī raat thī

turbat pe merī hogī takalluf kī raushnī
kāfūr bahr-e-sham-e-shabistāñ ḳharīdiye

vajūd miT gayā parvānoñ ke sambhalne tak
dhuāñ hī uThtā rahā sham.a ke pighalne tak

dil kī mehrāb meñ ik sham.a jalī thī sar-e-shām
sub.h-dam mātam-e-arbāb-e-vafā hotā hai

ham tīrgī meñ sham.a jalā.e hue to haiñ
hāthoñ meñ surḳh jaam uThā.e hue to haiñ

sham.a-rū dil ye misl-e-parvāna
nāhaq apne ta.iiñ jalātā hai

sham.a roī to vo kuchh der sahī turbat par
ḳhair koī to zamāne meñ mire kaam aayā

muntazir haiñ haram-o-dair ke goshe ya.anī
maiñ ne jo sham.a jalā.ī hai kahāñ rakhtā huuñ

vasl kiyā hai sham.a jalā kar
parvāne ko raakh banā kar

apne haath meñ ilm kī sham.a 'iram' ne thāme rakkhī hai
maiñ to ek ujālā le kar dīda-var tak aa.ī huuñ

kaise chhupā.ūñ soz-e-dil tū hī mujhe batā ki yuuñ
sham.a bujhā dī yaar ne jaise thā mudda.ā ki yuuñ