Tags-Sharm

amiir baap ke beToñ ko sharm aatī hai
kisī kī raah kā patthar haTā nahīñ sakte

dil-kash nahīñ vo hasīñ jise sharm nahīñ
raunaq nahīñ us kī jis kā dil garm nahīñ

muñh pher kar vo kahte haiñ bas maan jā.iye
is sharm is lihāz ke qurbān jā.iye

sakta abhī ho rūh-e-sikandar ko sharm se
ā.īna aa.e gar tire hairāñ ke sāmne

kyā kahe kyūñki kahe tujh se ye 'hātim' ġham-e-dil
ki vo hai sharm se mahjūb o tū hai be-parvāh

ham-mashrabī kī sharm gavārā na ho sakī
ḳhud chhoḌ dī hai shaiḳh ko mai-ḳhvār dekh kar

bahut kī sharm thoḌī sī pī kar
us ke rakhtā huuñ lab pe lab kuchh ho

sharm aatī hai ki us shahr meñ ham haiñ ki jahāñ
na mile bhiik to lākhoñ kā guzārā hī na ho

hameñ ḳhud apnī samā.at pe sharam aatī hai
ki mimbaroñ se ab aise ḳhitāb jāgte haiñ

sharm-e-vasl-e-ġhair se uThtī nahīñ ūñchī nazar
dard-e-sar kaisā ye sab hīla-bahānā ham se hai

be-pardagī se uḌ gayā sharm-o-hayā kā rañg
chehre pe uḌ rahī haiñ hayā ke havā.iyāñ

dhonā hai vaqt-e-āḳhir muñh kī mujhe siyāhī
ai ashk-e-sharm ab bhī mauqa hai shust-o-shū kā

yaar tanhā hai phir aisā nahīñ milne kā vaqt
sharm hotī hai merī māna-e-guftār abas

mujhe apnī pastī kī sharm hai tirī rif.atoñ kā ḳhayāl hai
magar apne dil ko maiñ kyā karūñ use phir bhī shauq-e-visāl hai

khul jaane meñ vo kaif aur vo dilkashī kahāñ
hai jab kisī kī sharm-o-hayā-o-hijāb meñ

kahā thā uThā parda-e-sharm ko
vo ulTā hamīñ ko uThāne lage

tumheñ maiñ chuum luuñ chhū luuñ zarā ik sharm hai varna
ye saarī justujueñ hadd-e-imkānī meñ rahtī haiñ

zālim nahīñ tū harf-e-mohabbat se āshnā
mashq-e-sitam se sharm kar ai jañg-jū qalam

aalam ke dostoñ meñ muravvat nahīñ rahī
sharm-o-hayā-o-mehr va shafqat nahīñ rahī

dāḌhī kī nahīñ 'riyāz' ab sharm
jab pā ga.e be-hisāb pī lī