Tags-Sharm

tum ko hazār sharm sahī mujh ko laakh zabt
ulfat vo raaz hai ki chhupāyā na jā.egā

vafūr-e-sharm se us āftāb-e-husn ke aage
jahāñ kā har hasīñ Daale hue muñh par naqāb aayā

nigah-e-sharm ko be-tāb kiyā kaam kiyā
rañg laayā tirī āñkhoñ meñ samānā dil kā

jo rakh le ḳhastagī kī sharm aisī barq rahmat hai
gire jo āshiyāñ se duur us ko be-amāñ kahiye

sharm aatī hai ki us shahr meñ ham haiñ ki jahāñ
na mile bhiik to lākhoñ kā guzārā hī na ho

sharm hai apnī baar baarī kī
be-sabab baar baar the ham to

rakh bharam kuchh to be-libāsī kā
sharm ke dā.ere se bāhar mil

bichhaḌ ke tujh se to ḳhud se bhī sharm aatī hai
tirā vajūd-e-badan par libās aisā thā

sharm aatī hai dil meñ sau sau baar
tauba lab par magar nahīñ aatī

hashr ke din bhī daaġh dāman meñ
sharm ai chashm-e-tar nahīñ aatī

nigāh-e-sharm ke zaḳhmī haiñ teġh-e-nāz ke bismil
taḌapne ke liye ham ko pas-e-dīvār rahne deñ

hai shauq yahī mastānoñ ko hai sharm yahī dīvānoñ ko
siine se lagā kar yaad us kī us shoḳh kī puujā karte haiñ

tamkīñ se na dekhe jo kabhī aa.ina jhuk kar
vo murtakib-e-sharm-o-hayā ho nahīñ saktā

sharm bejā hai burā karte ho
achchhī sūrat ko chhupāyā na karo

rah ga.ī raah meñ yuuñ sharm-e-shikasta-pā.ī
kyā Thaharte kahīñ vo be-sar-o-sāmānī thī

vafūr-e-sharm se vaañ ijtināb madd-e-nazar
hujūm-e-shauq se yaañ be-qarār dil merā

husn aur us pe husn-e-zan rah ga.ī bul-havas kī sharm
apne pe e'timād hai ġhair ko āzmā.e kyuuñ

merī āñkhoñ meñ tasvīr jis kī banī
sharm kī chādaroñ meñ vo aa ke chhupī

vaah re pās-e-vafā allāh rī sharm-e-ārzū
har nafas hamrāhī-e-umr-e-gurezāñ meñ rahā

araq-e-sharm se ḳhāksārī meñ huuñ maiñ
huā ḳhaak bhī maiñ to paanī kī sūrat