Tags-Sharm

muñh pher kar vo kahte haiñ bas maan jā.iye
is sharm is lihāz ke qurbān jā.iye

jab maiñ kahtā huuñ ki nādim ho kuchh apne zulm par
sar jhukā kar kahte haiñ sharm-o-hayā se kyā kaheñ

sharm-ālūd kahīñ dīda-e-ġhammāz na ho
dilbarī kā koī pahlū nazar-andāz na ho

donoñ jahān de ke vo samjhe ye ḳhush rahā
yaañ aa paḌī ye sharm ki takrār kyā kareñ

tabassum-fazā mere naale hue haiñ
zarā shoḳh ab sharm vaale hue haiñ

qaid-e-ġham se hai rihā.ī bahut āsāñ 'nātiq'
sharm is kī hai ki vābasta hai zindāñ ham se

chāñd kī sharm se naqāboñ meñ
muñh chhupāne kī ādateñ na ga.iiñ

ḳhud sharm-e-ishq dil ko miTā.e to kyā kareñ
un tak nigāh-e-shauq na jaa.e to kyā kareñ

tere ġham kā tadāruk kiyā to hameñ sharm aa jā.egī aur mar jā.eñge
ḳhvāb-āvar davā ham ne le lī to phir niiñd ke kizb se zaḳhm bhar jā.eñge

abr kis kis tarah barastā hai
sharm ai chashm-e-tar nahīñ aatī

duḳhtar-e-raz kī sharm to dekho
chhup ga.ī jā ke ḳhum kī aaḌoñ meñ

bebāk milte hī jo hue ham to sharm se
aañkh us parī ne phir na milā.ī tamām shab

junūñ pe jabr-e-ḳhirad jab bhī hoshyār huā
nazar ke saath nazāra bhī sharm-sār huā

pahle duniyā meñ vafā koī sifat hotī thī
sharm aatī hai ab arbāb-e-vafā hone meñ

be-qarāroñ se un ko sharm aa.ī
shoḳhiyāñ rah ga.iiñ hayā ho kar

ḳhūb-rū kaun ye aayā chaman meñ aaj ki yaañ
sharm se surḳh hue jaate haiñ ye phuul sabhī

ek to sharm aap kī aur us pe takiya darmiyāñ
donoñ dīvāroñ meñ ik dīvār kam kar dījiye

samajhtā huuñ vasīla maġhfirat kā sharm-e-isyāñ ko
ki ashkoñ se mire dhul jā.egā dāmān-e-tar merā