Tags-Sharm

ai nañg-e-jahāñ ai 'shād' batā kuchh sharm bhī tujh ko hai ki nahīñ
ai jehl-e-murakkab ai haivāñ ai be-ḳhabar insāñ kuchh na kiyā

majbūr apnī sheva-e-sharm-o-hayā se tum
nā-chār iztirāb-e-dil-e-mubtalā se ham

aur ab jab tan chukā to sharm aa.ī
ka.ī din se ye parda ban rahā thā

parsoñ maiñ bāzār gayā thā darpan lene kī ḳhātir
kyā bolūñ dūkān pe hī maiñ sharm ke maare gaḌ baiThā

ḳhudā kā shukr hai sharm-o-hayā salāmat hai
vo ā.īna hai magar maiñ bhī be-hijāb nahīñ

sharīk-e-sharm-o-hayā kuchh hai bad-gumānī-e-husn
nazar uThā ye jhijak sī nikal to saktī hai

kahī na un se jo hoñToñ pe baat aa.ī bhī
ki āshnā.ī bhī thī sharam-e-āshnā.ī bhī

ye ḳhuub kahī dekheñge kab tak na milegā
is baat pe gar chāho to ab sharm karūñ maiñ

apne kirdār pe maujoñ ko bhī sharm aatī hai
jab koī Duub ke sāhil kā patā detā hai

hind se us tak jo le jaa.e koī tasvīr-e-yār
sharm se lailā na dekhe phir arab meñ aa.ina

phir vo nahā.e araq-e-sharm meñ
kis ne mire ishq kā charchā kiyā

jab phañsā zulf meñ jā dil na rahā nañg-o-hayā
taaq par rakhiye vahāñ nañg-o-sharam donoñ ek

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

un se parī-vash ko na dekhe koī
mujh ko mirī sharm ne rusvā kiyā

ai ma.āz-allāh vahshī aur salāmat pairahan
sharm dāman-gīr hotī hai garebāñ dekh kar

merī āñkheñ haiñ merī shāgirda
sharm karnā jinheñ sikhātā huuñ

duniyā se jab ravāna hue ham gunāhgār
sar muñh chhupā.e sharm ke maare chale ga.e

apnī nigāh pher le haañ ye mujhe qubūl hai
rakh mirī aarzū kī sharm-e-shauq kī bebasī na dekh

zindagī-bhar ke gunāhoñ se ye thī sharam ai ajal
tārik-e-hastī yahāñ se jab chalā rū-posh thā