Tags-Sharm

kyā sharm-e-ḳhudī kyā pās-e-hayā ġhurbat kī añdherī rātoñ meñ
kitne hī butān-e-zohra-jabīñ bā-dīda-e-nam bik jaate haiñ

shoḳhiyāñ sharm-o-hayā nuur ke saa.e jheleñ
umr meñ pahle-pahal dekheñ mukammal āñkheñ

rokte kab tak taqāzā-e-talāfī-e-sitam
sar jhukā.e sharm se mayyat pe aanā hī paḌā

hue numūd jo pistāñ to sharm khā ke kahā
ye kyā balā hai jo uThtī hai mere siine se

ko.ii pahaa.D ye kahtaa thaa ik gilahrii se
tujhe ho sharm to paanii me.n jaa ke Duub mare

sharm se aap kī jhukī palkeñ
varna to ham the Dūbne vaale

sharm se dohrā ho jā.egā kaan paḌā vo bundā bhī
bād-e-sabā ke lahje meñ ik baat meñ aisī pūchhūñgā

ilāhī tujh se ab kahtā hai 'hātim' is zamāne meñ
sharam rakhnā bharam rakhnā dharam rakhnā karam rakhnā

sharm-e-īzā se mire dil ko yaqīñ hai ai maut
muñh na dikhlā.egī sub.h-e-shab-e-hijrāñ mujh ko

rahm un ko na aayā thā to sharm hī aa jaatī
be-dād ke shikve par jhuktīñ to zarā āñkheñ

hamārī aañkh meñ sharm-o-hayā kā hai parda
nazar milā.e koī ye majāl thoḌī hai

kaaba kis muñh se jāoge 'ġhālib'
sharm tum ko magar nahīñ aatī

isī taraf tire qurbāñ nigāh-e-sharm-ālūd
mujhī pe tez ho ye baaḌh kund ḳhanjar kī

sharm dahshat jhijhak pareshānī
naaz se kaam kyuuñ nahīñ letīñ

nigah meñ sharm ke badle hai shoḳhī
khule phir raat kā kyā mājrā ḳhaak

butoñ ko tākte guzrī hai sharm aa.egī
'jalīl' le na chalo sāmne ḳhudā ke mujhe

mire karīm mirī sharm hashr meñ rakh le
araq ke saath Tapaktī hai aabrū merī

muddateñ ho ga.iiñ ḳhatā karte
sharm aatī hai ab duā karte

mujh ko ālūda rakhā is mirī gumrāhī ne
araq-e-sharm-e-gunah bhī to bahāne na diyā

sharm bande kī tire haath hai ai rabb-e-karīm
na khule ḳhaak ke parde meñ bhī pardā apnā