Tags-Sharm

Duboyā mujhe aab meñ sharm se vo
khaḌe haiñ mire sar pe paanī kī sūrat

huā sharm-e-tahī-dastī se se vo bhī sar-nigūñ āḳhir
bas ai zaḳhm-e-jigar ab dekh le shorish namak-dāñ kī

nazdīk hī se sharm hai itnā to ho bhalā
dekhā kareñ kabhī kabhī dīdār duur se

ye sharm ke ma.anī haiñ hayā kahte haiñ is ko
āġhosh-e-tasavvur meñ na aayā badan un kā

mahrūm hī rah jaatī hai āġhosh-e-tamannā
sharm aa ke churā letī hai saarā badan un kā

chhupāyā kar nahīñ hoñToñ ko muskurāte hue
ye jā-e-sharm nahīñ hai ye jā-e-bosa hai

un sharm-zadoñ ko bhī bulā sāmne apne
jo sharm ke maare pas-e-dīvār khaḌe haiñ

sharm bhī ik tarah kī chorī hai
vo badan ko churā.e baiThe haiñ

khultā hī jā rahā hai kisī ruḳh ke rū-ba-rū
sharm-o-hayā kā baab mire dekhne ke ba.ad

sab sharābī mujhe kaheñ tujh ko
sharm ai be-ḳhudī nahīñ aatī

yak bosa aur luñgā araq muñh se pūchh kar
vo aab aab sharm ke maare hue to kyā

ab aao bhī har taraf takalluf naqāb kaisī kahāñ kā parda
jhukā.e kyuuñ sar ho sharm se tum ayaañ hai ruḳh se hijāb kaisā

āvārgī kā naam hai tahzīb-e-nau yahāñ
āñkhoñ meñ sharm hai na badan par libās hai

ek kāfir-adā ne luuT liyā
un kī sharm-o-hayā ne luuT liyā

the us ke haath lahū meñ hamāre ġharq magar
zarā bhī sharm na aa.ī use mukarte hue

girī hai ghar kī kaḌī par kaḌī to ghar vaale
ġhubār-e-sharm meñ chehre chhupā ke baiTh rahe

araq-āgīñ jabīñ insāniyat kī ho ga.ī 'jumbish'
ki daur aayā hai vo sharm-o-hayā kī aañkh bhar aa.ī

huā ba.ad-e-vasl ajab mazā ki ḳhamosh baiThe judā judā
hama-tan maiñ sabr-o-sukūñ huā hama-tan vo sharm-o-hayā hue

dast-e-duā tak uTh na sake fart-e-sharm se
yārab kisī se aisī bhī taqsīr ho na jaa.e

hue numūd jo pistāñ to sharm khā ke kahā
ye kyā balā hai jo uThtī hai mere siine se