Collections

Lab Shayari

Motivational Ghazals

Best Khamoshi Shayari

More Collections

Tags-Sher

maiñ ne poshīda bhī kar rakkhā hai dar-parda-e-sher
aur bharam khul bhī gayā hai mirī dānā.ī kā

tujhse shikwa na koi ranj hai tanhai ka

batā ke aib-o-hunar sher-goī ke 'afqar'
sikhā.ī apne harīfoñ ko shā.irī maiñ ne

rakhi hai husn pe buniyaad-e-ashiqi maine

chhoḌo sher uTho 'bāqī'
vaqt huā hai daftar kā

aisa war paDa sar ka

vo sher huuñ jis ko abhī sochegā zamāna
likkhā na gayā jis ko vo dīvān rahā huuñ

har baat teri jaan-e-jahan man raha hun

sher mere haiñ magar in meñ mohabbat us kī
phuul mere haiñ magar bād-e-sabā us kī hai

sari hairat hai meri sari ada uski hai

abtar huā jo sher kahā zulf kā terī
bāñdhā koī mazmūn hinā kā to bañdhā ḳhuub

har uzw-e-badan ek se hai ek tera KHub

shohrat huī hai jab se tire sher kī 'valī'
mushtāq tujh suḳhan kā arab tā ajam huā

jab tujh araq ke wasf mein jari qalam hua

sher kahne kī tabī.at na rahī
jis se aamad thī vo sūrat na rahī

sher kahne ki tabiat na rahi

nām-e-shā.ir na sahī sher kā mazmūn ho ḳhuub
phal se matlab hameñ kyā kaam shajar kis kā hai

tir par tir lagao tumhein Dar kis ka hai

mulāhiza ho kahūñ kyuuñ tavajjoh kyuuñ chāhūñ
kalām kab hai mirā sher ḳhud-kalāmī hai

kabhi bhanwar thi jo ek yaad ab sunami hai

jab kabhī sher meñ laane kī tujhe koshish ho
lafz siskāriyāñ bharte haiñ gumāñ chīḳhtā hai

jahan koi nahin hota hai wahan chiKHta hai

maiñ kahāñ aur kahāñ shā.erī maiñ ne to faqat
majlis-e-sher bapā kī to tumhāre liye kī

mah-o-anjum ne qaba ki to tumhaare liye ki

jigar ke ḳhuun se tar ho na jis kā sher koī
phir us ġhazal meñ bhalā ḳhaak dilkashī hogī

ye kya KHabar thi ki jab tum se dosti hogi

ham bhī bāteñ banāyā karte haiñ
sher kahnā magar nahīñ aatā

koi le kar KHabar nahin aata

ġhazal kaheñ to vahī dāstān niklegī
har ek sher meñ āh-o-fuġhāñ niklegī

ghazal kahen to wahi dastan niklegi

sher se shā.irī se Darte haiñ
kam-nazar raushnī se Darte haiñ

sher se shairi se Darte hain

merī hī tarah mire sher haiñ rusvā 'sāġhar'
kis ko is tarah mohabbat ne sunāyā hogā

dhup mein gham ki mere sath jo aaya hoga

aamad kā silsila nahīñ sher-o-suḳhan meñ aaj
phailī huī haiñ qāfiya-paimāeyāñ tamām

ek ishq-e-na-tamam hai ruswaiyan tamam

garche piro.e sher meñ jazbāt-e-rañg-o-bū
lekin bayāñ na ho sakīñ gahrā.iyāñ tamām

ek ishq-e-na-tamam hai ruswaiyan tamam

sher ustādāna o 'hātim' hai be-bākāna-vaz.a
tab.a āzādāna o auqāt darveshāna hai

gul ki aur bulbul ki sohbat ko chaman ka shana hai